Partisipantes 3° CEMCI Aprezenta An ba IDN

Share

Facebook
Twitter
WhatsApp

Partisipantes 3° CEMCI Aprezenta An ba IDN

Díli-Partisipantes 3° Curso Estadu-Maior Conjunta (CEMCI) hamutuk na’in 17, mai husi Oficial PNTL nain 7 ho postu Superintendente nain 7, no Maijor no Capitão tenente no Capitão Fragata husi FALINTIL Forsa Defeza Nasional hamutuk nain 10, iha loron 1 Fulan Abril, tinan 2024, hahu apresenta an ba Institutu Defeza Nasional hodi partisipa kursu 3° CEMCI durante fulan 9.

Diretor Interino IDN Dr. Guilherme Soares abertura kursu nee, hato’o Bem-vindo hodi afirma, 3° CEMCI ne’e, ho nia objetivu kualifikadus ba oficial superior iha PNTL ho F-FDTL , hodi desmontra sira nia abilidades kontribui ba hala’o knar iha futuru institusaun ne’ebe, sira haknar ba. Hodi hala’o funsaun iha nível estratégia iha nasional ho internacional.

Nune’e mos, Kualifika oficial Superior husi PNTL ho F-FDTL, atualizar no uniformizasaun kompetensia ba hala’o knar. Inklui forma kuadru husi oficial husi PNTL ho F-FDTL iha nível akademia ne’ebe naton, hodi kontribui ba hala’o knar, kontribui ba prosesu dezenvolvientu nasional pais ne’e nian.

iha Kursu espesifiku, participantes sira mos aprende cultura ida ne’ebe diak, iha espiritu amizade no koperasaun ida diak entre institusaun PNTL ho F-FDTL iha nível oficial sira.

Liu husi seremonia ne’e, IDN iha esperansa, participantes 3° CEMCI, sei partsipa kursu durante fulan sia, ho vontade tomak, tanba institusaun fo ona, fiar ba ita bo’ot sira, nune’e IDN , fiar ita bo’ot sira sei tane responsabilidade hodi participa formasaun to’o finaliza .

Fo hanoin , iha loron 26 Marsu tinan 2024, instituto Defeza Nasional (IDN) hala’o abertura ba kursu tinan akademia 2024 to’o 2025 mak hanesan, 3° Cursu Estadu-Maior Conjunto no Integrados (CEMCI), ba oficial PNTL ho postu Superintendente no postu Major ba F-FDTL, 2° do Mestrados em Segurança e Dezenvolvimento Nacional Sustentavel (MSDNS), ba Oficial PNTL ho postu Superintendente no ba F-FDTL ho postu Major, inklui Funsionario Kargu xefia sira husi administração publika sira. 1° Curso de Comando e Alta Direção (CCAD) sei halo ba nível sira ne’ebe mak superior iha F-FDTL ho postu Tenente Coronel no Coronel, PNTL ho postu Superintendente no Superintende Chefe, inklui administrasaun publika, hanesan nivel diretor nasional no diretor geral ou equiparado.

Kursu hirak ne’e realiza, IDN hala’o parseria ho Universidade Nasional no Faculdade Direito do Porto Universidade Portuguesa, Instituto Superior Ciência Administrasaun husi aveiro Portugal, Instituto Universitario Militar Portugal, F-FDTL, PNTL, Ministerio da Defesa, Ministerio do Interior, Ministerio dos Negocios Estrangeiros no FDCH, ne’ebe hetan ona aprovasaun no Abertura husi sua Exª. Ministro da Defesa Professor Doutor Contra Almirante Donaciano Costa Gomes “Pedro Klamar Fuik iha loron 26 marco 2024 iha Salaun Delta Nova, Dili.

#MediaIDN

Scroll to Top