Superintendente Assistente Silverio de Araújo Remata Ezame Monografia

Díli- Institutu Defeza Nasional kontinua, realiza ezame monografia ba Partisipantes Terseiru Kursu Estadu Maior Konjunto Integradu iha auditorio IDN palásiu Governu Díli, hafoin sira partisipa formasaun besik tinan ida.
Nune’e hakat ba loron 22 fulan Janeiru tinan 2025, partisipantes Superintendente Assistente Polisia Silverio de Araújo, remata tan nia ezame monografia ho tema “ Jestaun no lideransa iha prevensaun no kombate krime transnasionál: análize ida kona-ba unidade patrullamentu Fronteira nian iha Timor-Leste” ne’ebé hetan prezidente júri Dr. Nuno Corvelo Sarmaneto Ezamidaor dahuluk superintendente Antonio da Luz, no Ezaminador daruak Dr . José Manuel Fernandes “Nakfilak” Orientador Superintendente Xefe Natercia Eufracia akompaña husi Diretór ensinu Formasaun Kapitaun Tenente Duarte Borges Loe.
Fundamentu husi tópiku Jestaun no Lideransa iha Prevensaun no Kombate Krime Transnasional, ba partrisipantes tanba , nia importánsia krítiku iha kontestu globál ida-ne’ebé iha dezafiu barak liu tan ba fronteira nasionál sira tanba rede kriminál ne’ebé sofistikadu ne’ebé opera iha fronteira territoriál sira.
Tanba Hafoin independénsia, seguransa fronteira Timor-Leste nian sai hanesan prioridade estratéjika ida, tanba ninia fronteira rai no tasi nian porosidade, no risku sira ne’ebé asosiadu ho tráfiku ilisitu, imigrasaun ilisitu, kontrabandu, no atividade kriminál transnasional.
Ho ne’e, Unidade Patrulla Fronteira, ne’ebé koñesidu nu’udar UPF hari husi Estadu RDTL hamrik , hodi garante monitorizasaun ba fronteira rai no suporta kontrolu ba ema no sasán sira-nia tama no sai.
UPF mai ho misaun espesífiku, Patrulla no supervizaun iha fronteira rai no aeroportu iha koordenasaun no kooperasaun ho F-FDTL. Kolabora ho Servisu Imigrasaun hodi kontrola ema no sasán sira ne’ebé tama no sai iha fronteira rai nian, no mós halo Kooperasaun ho autoridade administrativa no saúde sira seluk
Estudu balun explora ona jestaun no lideransa , iha kombate krime transnasional, ne’ebé estuda barak tanba sira-nia importánsia iha kontestu seguransa globál no rejionál.
Nia prinsipál husi estudu ne’e, mak atu analiza no avalia efikásia husi prátika jestaun no lideransa ne’ebé implementa husi Unidade Patrulla Fronteira iha Timor-Leste hodi prevene no kombate krime transnasional.
Rekomendasaun husi partisipantes , atu Hametin formasaun no formasaun kontinua. Hadi’a Infraestrutura no Rekursu Teknolojiku sira. Haforsa Kooperasaun Inter-Institusional no Internasional. Dezenvolvimentu Lideransa no Jestaun Estratejika. Foka liu ba Prevensaun no Intelligence Proativu. Promosaun Programa Ben-estar no Motivasaun ba Ajente sira. Ikus Estabelese Parseria ho Komunidade Lokal.
Enkunatu atual ne’e, partisipantes terseiru Kursu Estadu Maior Konjunta Integradu hamutuk nain 3, remata ona sira nia ezame mongafia husi IDN. #MediaIDN
Scroll to Top