Search
Close this search box.
idntl-header

IDN Akompaña Partisipantes 3° CEMCI Partisipa Konferénsia ho tema: Inisiativa Seguransa Global, organiza husi Estudante PLA -Dalian Naval Academic iha Ro Marinha Academia Qi Jiguang

Partilla

Díli-Institutu Defeza Nasionál (IDN) iha loron 31, Fulan Maiu Tinan 2024, akompaña Partisipantes 3° Cursu Estadu Maior Conjunta Integradu (CEMCI), hetan konvida husi Embaixada Xina iha Timor Leste, hodi visita Ró Marinha Akademia “ Qi Jiguang” husi Nasaun xina, ne’ebé tula Kadetes Militar Xina foun, vizita Nasaun Timor-Leste, no Atraka iha Portu Díli, oportunidade ne’e mós, sira sei partisipa konferénsia hodi partilha Koñesimentu no espriénsia ba malu.
Komitiva IDN ne’ebé lidera husi Diretór Interinu IDN, Dr Guilherme Soares vizita Ró Dalian Naval Akademia Militar husi Xina , simu direita husi Kapitaun ró Marina Akademia Xina Prof Snr. Capt Yi Chengato hodi lori vizita instalasun Ró akademia refere.
Tuir informasaun ne’ebé Media IDN hetan , Ró Naval Marina rua tula Kadetes foun husi Nasaun Xina, vizita Nasaun Timor Leste no atraka iha portu Díli hahu loron 30 Maiu Tinan ne’e nune’e, sei fila hikas ba sira nia nasaun iha loron 3 juñu Tinan ne’e. No Ró ahi Marina Fragata akompaña patrolla iha tasi laran , no ró ahi akademia tula Kadetes foun sira, mai atraka iha portu Díli.
Tuir orário husi akademia Marina Xina, kada tinan kadetes militar foun sira foin remata formasaun, final husi sira nia programa, sei hala’o viajen ba Nasaun sira, inklui Nasaun Timor Leste, sai parte alvu ba sira nia vizita.
Iha tinan kotuk, Kadates militár marinha foun husi Xina, vizita Timor-Leste ho ró ahi marinha ida, maibe tinan ne’e, sira vizita ho ró ahi rua. Ho orário konvida partisipantes sira 3° CEMCI ho eis participantes sira kursu iha IDN, vizita ró refere hodi partisipa mós iha Konferénsia ne’ebé organiza husi Embaixada Xina iha TL.
Liu husi hasoru malu ne’e, parte Kadates Militár Xina partiha sobre área inisiativa Seguransa Global, no husi parte 3° CEMCI, partilha mós kona –bá perspetiva Seguransa Marítima iha ilha marítima ki’ik hanesan Timor Leste, oinsa ita nia hare ba seguransa iha tasi nian.
Hafoin ne’e, Kapitão Ró ahi akademia ne’e, Prof Snr . Capt Yi Chengato ho oficial ho kadetes foun sira, vizita mai IDN, hodi hare’e organizasaun IDN ho nia vizaun , Misaun, no programa atividade sira durante lao oinsa.
Objetivu fundamentu husi IDN lori participantes 3° CEMCI bá vizita hare’e Kadetes foun Militar Xina no partisipa mós konferénsia, oinsa hare’e sira nia formasaun, sira organiza, inklui dosentes sira hanorin, mai husi sira nia Komandante , maka sai fali dosente hanorin sira nia Kadetes foun sira.
Ho hanoin bele loke participantes 3° CEMCI sira nia perspetiva Seguransa Global, seluk hodi hatene iha área defesa Diplomasia husi militar husi nasaun ida vizita nasaun seluk ho nia finalidade saída , hirak ne’e hola parte iha persepsaun polítika.
Husi Informasaun media IDN asesu, Ró ahi Naval “Qi Jiguang vizita ona Timor Leste ba dala lima ho Vizita ida ne’e, ho intensaun hametin liután kooperasaun Bilaterál entre Nasaun rua. No Prezensa mós Ró Marinha Xina mai Timor Leste nudar Tradisaun Militar Marinha iha mundu atu hametin koperasaun.
Normalmente, Kuandu Militár Xina lori sira nia Kadetes foun vizita Nasaun ida, sira konvida líder iha Nasaun ne’e , inklui ho líder sira iha Institusaun Defesa no Seguransa mós bá vizita. Tanba ne’e wainhira IDN lori Partisipantes 3° CEMCI sira ba iha ne’ebá, depois formasaun língua portuguesa , inklui formasaun sira liga ho formasaun Geo Polítika no Geo Estratéjika, sira bele iha ona koñesimentu ho prezensa real, nasaun sira dezafiador sira iha ita nia nasaun.
Tanba ne’e formasaun sira lao Durante realiza iha IDN, laos hanorin de’it sira teoria, maibe lori mós partisipantes sira ba hare realidade pratika sira.
Tuir ajenda Kapitaun ró marina Prof Snr . Capt Yi Chengato ho nia ekipa sei halao visita ba entidades nível altu sira Nasaun Timor-Leste, inklui visita Ministério Defeza, Chefe Estadu Maiór Jenerál F-FDTL, Komandante Komponente Naval, Institutu Defeza Nasionál (IDN). #MediaIDN
Scroll to Top