Dìli- 19 Setembru 2025, alunu Kursu Estadu Maior Konjuntu Intergradu ba daha’at iha sesta feira, ne’e hala’o revisaun ba Matèria Doutrina Operasoins Terrestre (Dot), ne’ebè hanorin husi dosente atual Diretór Ensino Formasaun IDN, Kapitaun Fragata Graduadu Nicolau Sousa Guterres durante semana rua iha auditoriu IDN palàsiu Governu Dìli.
Tuir Diretór Ensinu Formasaun IDN ne’e katak, fundamentu avaliasaun refere fahe ba rua, mak hanesan avaliasaun ba partisipasaun no disiplina alunu sira nian durante aula no avaliasaun ba teste doutrina orientasun terrestres hahu husi matèria ba aula dahuluk (1) to’o matèria ba aula da sia (9).
Avaliasaun ba matèria DOT ne’e, ligadu ho topiku sira hanesan, Ambiente Operasional, Operasaun Militar, Funsaun Kombate Komandu Misaun, Informasaun Funsaun Kombate, Funsaun Kombate Movimentu no Manobra, Funsaun Kombate Ahi, Protesaun no Funsaun Kombate AAA, Funsaun Kombate ba sobrevivensia no Protesaun NBQR, Funsaun Kombate ba Area Protesaun Seguransa, Rekoñesementu no Area AA no Funsaun Kombate Apoiu Servisu.
Avaliasaun ba matèria Dot ne’e akontese, atu nune’e alunu sira bele prepara estuda hodi partisipa iha ezame avaliasaun ne’ebè sei akontese iha semana oin.
Tuir Kapitaun Fragata Graduadu Nicolau katak, ezame avaliasaun ba matèria doutrina operasaun terrestre ba alunu Kursu Estadu Maior Konjuntu integradu daha’at sei hala’o to’o loron 22 fulan setembru tinan 2025. #MediaIDN
|
|
