Díli, 9 Setembru 2025 – Alunu sira husi Kursu Estadu Maior Konjunta Integradu ba dala 4 remata ho susesu matadalan Matéria Operasionál Navais, ho ezame avaliasaun individual ne’ebé hala’o iha tersa-feira, iha auditóriu Instituto Defeza Nasional (IDN), Palásiu Governu, Díli. Ezame refere fó husi dosente Kapitaun Fragata Graduadu Julião Pinto da Silva, ho esperiénsia boot iha área naval.
Avaliasaun ne’e parte fundaméntal husi prosesu dezenvolvimentu no kapasidade profesonál alunu sira, atu loke dalan ba preparasaun sira iha nivel estratéjiku no operasionál. Ezame nian fó oportunidade atu avalia nível komprehnsaun, analizadu, no prontidaun alunu sira atu responde ba situasaun reais iha kontestu operasaun konjunta, espesifikamente iha área navais.
Matéria operasionál navais fó enfázi ba prinsipiu, doktrina, no planeamentu operasaun iha dimensaun marítima. Ezame estimula alunu sira atu aumenta ho estratéjia, halo analizadu kritiku, no dezenvolve lideransa ne’ebé relevante ba komandu no kontrolu iha operasaun real.
Alunu sira mós aprende kona-ba importansia koordenasaun entre F-FDTL no PNTL inklui ajensia sira seluk, iha nivel nasional no internasionál. fó oportunidade atu estuda interoperabilidade no kona-ba funsionamentu konjunta iha kampu naval.
Avaliasaun mak preparasaun ba alunu sira atu kontribui iha formulasaun polítika defeza, planeamentu operasionál no lideransa iha nivel mais aas. Tanba ne’e, alunu bele kontribui ba seguransa nasional Timor-Leste iha aspetu maritime.
Enkuantu Iha sesaun dahuluk, alunu sira aprende kona-ba espasu marítima Timor-Leste nian, meiu atu kontrola tasi, no importansia ekonomiku espasu ne’e iha kontestu importasaun, eksportasaun ai-han no rekursu energétiku.
Matéria ne’e parte fundaméntal husi kuríkulu IDN, ho objetivu atu fortalese kapasidade lideransa, komandu, no planeamentu operasionál ba ofisiais F-FDTL no PNTL. Unidade kurikular ne’e mós ajuda alunu sira komprende jeo-estratéjia, kuadru legal espasu marítima, rekursu ekonómiku estratéjiku, no dezafiu seguransa marítima.
Iha sesaun remata, Kapitaun Fragata Julião Pinto da Silva hato’o agradesimentu ba IDN, liu husi Diresaun Ensinu Formasaun, ne’ebé fó konfiansa hodi konvida nia atu partilha koñesimentu.
Nune’e mós, Diretór Ensinu Formasaun IDN, Kapitaun Fragata Graduadu Nicolau Sousa Guterres, hato’o agradesimentu ba dosente Kapitaun Fragata Julião Pinto da Silva ne’ebé fó nia tempu no dedikasaun atu forma alunu CEMCI dala 4. Atividade akademika ne’e remata ho foto hamutuk. #MediaIDN
|
|
