Díli, 23 Outubro 2025 —Alunu kursu estadu Maior konjuntu integradu ba dala 4, kinta feira ne’e, kontinua aprende matéria Planeamentu Operasaun Kombate no subtema sira ligadu ho difinisaun Mapamentu Defensiva no Mapamentu Ofensiva. Aula ne’e hanorin husi Dosente Tenente-Coronel Luís Conceição iha auditoria IDN, Palásiu Governu Díli.
Matéria jerál prosesu Operasaun Kombate tama parte fundamentál iha instrusaun militar ne’ebé fó enfaze ba planeamentu, organizasaun no realizasaun operasaun kombate. Prosesu ida ne’e, ajuda soldadu sira hodi kompriende situasaun, prepara se no hala’o asaun fila fali ho orden atu hetan ba objetivu militar.
Difinisaun Mapamentu defensiva maka prosesu atu identifika área, terrenu no posisaun ne’ebé fó vantajen ba defeza kontra inimigu.
Ho nia funsaun, hatene area ne’ebé importante atu proteje, determina posisaun favorável atu realiza defeza , ajuda prepara fortifikasaun, traseira no posisaun tiru, permite komandu planea movimentu retaguarda no kontra-atakue.
Nia Vantajen Aumenta seguransa unidade, reduz probabilidade surpresa hosi inimigu, permite kontrolu foun ba terreno, fasilita komunikasaun no koordinasaun iha defeza.
No difinisaun Mapamentu ofensiva fó enfaze ba analize no planeamentu terrainu ba atakue, inklui definisaun objetivu, movimentu ofensivu no rota atu halo penetrasaun ka serku ba inimigu.
Nia Funsaun, Identifika posisaun inimigu no nia fraqueza, determina rota movimentu ofensivu, ajuda komandu planea tempu no direksaun atakue, fasilita koordinasaun entre unidade ofensivu sira.
Vantajen maka Permite atakue iha direksaun ne’ebé efetivu liu, reduzi tempu no esforsu iha asaun ofensiva, aumenta probabilidade hetan surpresa tátika; ajuda okupa posisaun estrategiku.
Nune’e Konkluzaun husi difinisaun Mapamentu defensiva no ofensiva mak parte importante husi Prosesu Operasaun Kombate, tanba sira ajuda komandu sira hatene situasaun terrainu, planea no hala’o operasaun ho efisiénsia. Diferensa importante entre sira maka objetivu, defensiva atu proteje, ofensiva atu ataka. #MédiaIDN
|
|
