Díli, 29 Outubru 2025 —Alunu kursu Estadu Maior Konjunta Integradu (CEMCI) hala’o aprezentasaun grupu dala 4 iha loron kuarta-feira ne’e, fó fókus ba formulasaun modalidade ba asaun, ne’ebé relasiona ho matéria Planeamentu Operasaun Kombate, hala’o iha auditoria IDN, Palásiu Governu, Díli.
Iha prosesu aprezentasaun, alunu 14 partilha ba grupu rua, ida-idak apresenta proposta modalidade operasional ho detalhu téniku, ho objetivu nudar base ba planeamentu, koordinasaun no implementasaun iha situasaun ofensiva, defensiva no estabilizasaun.
Atividade ida ne’e parte integral husi formasaun prátika ne’ebé komesa iha loron 6 fulan Outubru tinan ida ne’e, ho matéria ne’e hanorin husi Tenente-Koronel Luís Conceição iha auditoria IDN, Palásiu Governu, Díli.
Vantajen husi Aprezentasaun grupu kona-ba “Formulasaun Modalidade ba Asaun iha Matéria Jeral Planeamentu Operasaun Kombate” fó kontribuisaun boot ba aumentu kompreensaun kolektivu entre alunu sira. ajuda estudante hotu-hotu atu komprende lalais no klaran prinsipiu sira ne’ebé relasiona ho planeamentu operasaun kombate.
Diskusaun grupu mós fó oportunidade ba membru grupu atu partilha esperiénsia, ideia no perspetiva diferente, ne’ebé promove aprendizagem partilhadu no kolaborativu. Iha Espíritu Koordenasaun no Interoperabilidade.
Tanba kursu CEMCI envolve partisipante alunu husi ofisial forsa defeza no ofisial forsa siguransa . nune’e aprezentasaun grupu ne’e motiva espíritu koordenasaun no interoperabilidade. aumenta kapasidade partisipante nudar tim konjunta, atu responde ho efisiénsia ba situasaun kombate iha nível operasional.
Desenvolvimentu Habilidade Profisionál Liu husi aprezentasaun, alunu sira desenvolve abilidade komunikasaun no lideransa, aprende atu apresenta informasaun militar iha forma lójiku, sistemátiku no profisionál. Prosesu ida ne’e fó oportunidade ba kada ofisér atu treina lideransa iha organizasaun kontéudu, repartisaun tarefa no tempu aprezentasaun.
Durante preparasaun, grupu sira halo análize ba modalidade asaun ne’ebé aplikavel iha planeamentu operasaun kombate. Estudante aprende atu identifika fator sira ne’ebé afeta desizaun operasional no propon solusaun estratégika, ne’ebé fó kontribuisaun ba kapasidade analisátiku no Kritika.
Prosesu aprezentasaun ida ne’e la’ós deit parte husi atividadi akademiku, maibé mós kontribui ba preparasaun alunu sira nudar sira atu iha prontidaun no kompeténsia ba servisu iha nível Estadu Maior no planeamentu kombatente.
Hatudu kompeténsia iha analize situasaun, elaborasaun dokuméntu planu operasional no medidadus praktiku ba implementasaun liu husi aprezentasaun sira nune’e mós. Tanba Programa Kursu Estadu Maior Konjunta Integradu (CEMCI) sei kontinua ho atensaun ba formasaun teóriku no prátiku, hodi prepara ofisiál sira atu hala’o planeamentu kompletu iha operasaun nasionál no internasionál. #MédiaIDN
|
|
