Díli-25 Marsu 2025 Diretór Projetu I, Coronel Alexandre Liberato termina ona nia misaun iha Timor-Leste, hala’o despedida ofisiál ho Instituto Defeza Nasionál (IDN) iha auditoriu IDN Palásiu Governu, antes fila ba Portugal.
Iha serimónia ne’e, Diretór Interinu IDN, Sr. Guilherme Soares, hato’o nia agradesimentu boot ba Coronel Alexandre Liberato, ba nia apoiu iha hala’o kordenasaun ba dosente sira husi Instituto Universitáriu Militar Portugal, sai hanesan orientador no mos arquente ba 3° CEMCI ne’ebé foin gradua iha loron 20 Marsu 2025.
Durante enkontru ne’e, Coronel Alexandre Liberato mós apresenta Capitão-de-Mar-e- Guerra Santos ba IDN, ne’ebé sei subtitui nia hanesan pontu ligasaun ho Instituto Universitáriu Militar Portugal, hodi continua apoiu iha halo coordenasaun ba 4ª Cursu Estadu-Maior Conjunto e Integradu ne’ebé atual IDN realiza hela.
Hasoru malu ne’e, remata ho entrega prendas ba Coronel Alexandre Liberato no nia ekipa hanesan rekoñesimentu no valoriza ba sira nia aktividade durante ne’e, remata ho foto hodi hametin kolaborasaun ne’ebé forte entre IDN no instituisaun Militar Portugal enquadra iha protoco iha dominio da defesa nian entre Governo Timor-Leste e Portugal. #MediaIDN
|
|
