Dili, iha loron 11 Fulan dezembro 2024, iha ambitu kursu kapitaun Porto, ne’ebe promovidu husi Instituto Defesa Nacional (IDN), Diretor Interinu IDN, Sr. Guillherme Soares hetan responsabilidade atu hanorin aula Literasia Digital ba partisipante Sira.
Kursu ida ne’e buka prepara oficiais atu servisu efectivamente iha jestaun portuária, no hatudu importancia kompeténsia teknológika iha tempu era digital ida-ne’e.
Aula Sira realiza ho objetivo atu habilita estudante Sira hodi uza ferramenta digital atu otimiza komunikasaun, jestaun informasaun, no analisa dadus ne’ebe relasiona ho administrasaun portuária no operasaun maritíma. Durante sesaun, Diretor Interinu sublinha relevansia atu integra tecnologia Hanesan ferramentas estratejiku iha operasaun seguransa no defesa marritíma, Liu husi konteksu transformasaun digital ne’ebe aumenta.
Partisipante Sira hetan oportunidade atu aprende Kona ba tema Hanesan uza Sistema informasaun, seguransa sibernétika aplikavél iha ambiente marritímu, no impaktu teknologia moderna iha efisiensi operasional no prosesu tomada desizaun.
Segundo Diretor Interinu, ”dominiu teknologia digital importante tebes hodi fortalese soberani marritíma no jestaun efisiente iha recurso portuários, ne’ebe kontribui direta ba desenvolvimento sustentável setór ne’e”.
Kursu kapitaun Porto representa marka importante iha formasaun lider sira ne’ebe kapas hodi rezolve dezafiu kontemporánea iha area marritíma, no konsolida papel IDN Hanesan referensia edukasaun estratejiku no seguransa nasional.
Estudante sira se aplika abordagem prática no inovador husi aula Sira, ne’ebe fo oportunidade atu explora ferramenta no konseitu aplikavel iha realidades operasaun portuária iha Timor Leste. Susesu husi iniciativa Ida ne’e reforsa importancia atu integra literasia digital iha programa formasaun seguransa nasional, hodi promove modernizasaun no efisiensia instituisaun setor Ida ne’e. #MediaIDN
|
|
