Iha loron 13 Dezembru 2024, Diretor Interinu husi Instituto Defesa Nasional (IDN, Sr. Guilherme Soares partisipa iha selebrasaun Aniversáriu 22 Komponente Força Terrestre (CT), ne’ebé realiza iha Quartel-General Komponente Terrestre, iha Baucau. Evéntu ne’e, ne’ebé promove husi Falintil-Forças de Defesa de Timor-Leste (F-FDTL), hala’o ho programa solene no fó énfase ba importancia história no estratéjiku husi forças terrestres iha seguransa nasional.
Serimónia hahu iha oras 9:00, ho chegada autoridade boot sira, inklui Chefe Estado-Maior General F-FDTL, Tenente-General Domingos Raúl “Falur Rate Laek”, no Ministro Defesa, Contra-Almirante Donaciano Costa Gomes, PhD.
Momentu importante ba selebrasaun, hanesan integrasaun Estandarte Nasional ba forças parada no homenagem ba herói nasional sira ne’ebé sacrifica nia vida ba nasaun, ne’ebé mak hala’o ho minutu silénsio atu fó respetu no honra ba sira.
Momentu importante seluk mak juramentu ba Bandeira Nasional no serimónia promosaun ba militár nain tolu mak foin remata hotu sira nia estudu: nain rua iha Academia Militar Portugal no nain ida iha Escola Naval Portugal, ne’ebé simu simbolu husi kompromisu no dedicasaun kontínua husi membru F-FDTL ba seguransa no soberania Timor-Leste. Diskursu inspiradór ne’ebé hala’o husi Tenente-General Domingos Raúl no Ministro Defesa, fó énfase ba dezafiu no konkista husi forças terrestres iha 22 tinan nia história.
Além ida ne’e, evéntu inklui desfile husi forças parada no demostrasaun atividade operacional, ne’ebé hatudu kapasidade no preparasaun husi forças terrestres atu enfrenta dezenvolvimentu estratéjiku ba nasaun. Almosu konvívio ba selebrasaun ida ne’e, promove ambiente união no solidariedade iha partisipante sira.
Partisipasaun Diretor Interinu IDN reforsa nia kompromisu hodi fó kontribuisaun ba formasaun no fortalecimento kapasidade nasional iha área seguransa no defesa. Evéntu ne’e mos reforsa relevánsia kooperasaun inter-institusional #MediaIDN
|
|
