Díli- Institutu Defesa Nasionál hala’o enkontru ho Eis-Diretór Hospital Militar Portugal, atual assessor CEMGFA Portugal ba assunto Saude Militar, Comodoro Francisco Gamito Guerreiro, ne’ebé akompaña husi Assesor Juridiku Ministério Defeza Dr. Antonio Alves, Adido de Defesa Portugal iha Timor-Leste, Capitão-de-Mar-e-Guerra António Manuel Maurício Camilo e oficial de Ligação de Saude Militar F-FDTL, iha auditorio IDN Palasiu Governu Díli.
Enkontru ne’ebé iha loron 5 fulan Fevreiru tinan 2025, lidera husi Diretór Interinu IDN Dr. Guilherme Soares, akompaña husi Adjuntu Diretór Interinu IDN, Capitaun Fragata Duarte Borges Loe, Diretóra Servisu Academia Dra. Eunice Noronha, representante husi Diresaun Investigasaun Dezenvolvimentu Inovasaun (DIDI) Dr. Nuno Corvelo Sarmento, coordenador ba curso nian Superintendente Joni Viana, hodi aprezenta programa sira liga ba aktividade formasaun nian , ne’ebé IDN realiza durante ne’e.
Diretór Interino IDN. Dr Guilherme Soares hatutan, Comodoro Francisco Gamito Guerreiro nia vizita mai Timor Leste, iha âmbito partisipa iha serimonia transformasaun FALINTIL ba FALINTIL Forsa Defeza Timor Leste (F- FDTL) ne’ebé hala’o ona iha loron 2 Fevreiru tinan 2025 iha Quartel Jeneral Fatu -Hada Dili. Nune’e aproveita oportunidade ne’e, Comodoro Francisco Gamito Guerreiro, vizita Instituto Defeza Nasional hodi hatene aktividade no programa prinsipal ne’ebé mak instituto ne’e, hala’o durante ne’e.
Liu husi hasoru malu ne’e, adjuntu Diretór Interino IDN, Capitaun Fragata Duarte Borges Loe, aprezentasaun programa sira sobre formasaun ne’ebe lao hela iha instituisaun IDN, inklui mós transformasaun IDN, ba Instituto Universitariu Defesa Nasionál (IUDN), inklui espasu sira ne’ebe IDN hanoin, ba konstrusaun Futuru Kampus foun ne’ebé sei hala’o kontrusaun iha Munisípiu Aileu.
IDN mós hala’o estudus sira iha área defesa no segurança, liu husi aktividade investigasaun hafoin, halo divulgasaun sira através husi konferensia Nasionál ho mós konferensia internasionál sira, ne’ebe mak IDN realiza bazeia ba vizaun ba futuru IDN nian, atu sai hanesan sentru excelente iha desenvolvimento pensadores estratégico sira iha nível nasional.
Ho Fundamentu Principal, para desenvolve planeador no pensador estratégico, mai husi oficial Militar sira, oficial polisial sira, Sociedade Civil, ho tan Administrasaun pública sira.
Liu husi hasoru malu ne’e, Comodoro Francisco Gamito Guerreiro apresia hodi konsidera IDN, instituisaun ida importante hala’o misaun ida ne’ebe hala’o, formasaun ba oficial Forsas Defesa no oficial PNTL sira, inklui ba kargu xefia sira iha instituisaun Administrasaun Públiku sira. Ho mós sosiedade Sivil ba assuntu ida defesa segurança nian.
“Há’u apresia tebes hare, esforsu hotu ne’ebé IDN hala’o durante ne’e iha aktividade formasaun sira, tanba IDN Timor-Leste, sai hanesan pontu referénsia ida, konsolida no desenvolve planeador no pensador estratégico, mai husi ofisial Militar, ofisial polisial, Sociedade Civil, ho tan Administrasaun públika sira,” Comodoro Francisco Gamito Guerreiro afirma.
Aktividades ne’e remata ho IDN entrega prendas ba Eis-Diretór Hospital Militar Portugal, Comodoro Francisco Gamito Guerreiro ho foto hamutuk. #MediaIDN
|
|
