Díli, 19 Maiu 2025 – Família boot Institutu Defeza Nasionál (IDN) partisipa ho laran triste iha misa ba saudozu Padre Domingos da Silva Soares, ne’ebé mak famozamente konhese ho naran “Amu Domingos Maubere”, iha Igreja Imakulada Konseisaun Katedral Díli. Misa ne’e organiza hodi fó omenajen ikus ba nia servisu no kontribuisaun boot ba eklezia no nasaun.
Matebian Padre Domingos hakotu iis iha loron 16 Maiu 2025, tuku 7:05 dader, iha sala Medisina Intensiva, Hospital Nasionál Guido Valadares (HNGV), Díli.
Matebian ho naran famozu Amu Domingos Maubere moris iha loron 12 Maiu 1952, iha suku Dukurai, postu Administrativu Letefoho,Munisípiu Ermera. Nia dedikasaun ba jerasaun misionáriu katóliku mak foʻ signifikadu boot ba komunidade Timoroan. Nia hakotu nia jornada moris iha loron 16 Maiu 2025, ho tinan 73.
Nune’e Institutu Defeza Nasionál fó profundo kondolénsia ba família no veklezia katóliku, tanba matebian Amu Domingos Maubere nudar lian ba domin, justisa no solidaridade.
Tuir orariu , hafoin misa rèkuem ba saudozu nia isin mate iha Igreja katedral , sei ba halot iha semitèriu padre sira nian iha Maloa Ailok- Laran. #MédiaIDN
|
|
