Díli, 9 Maiu 2025 – Reprezentante Diretór Interinu, Dr. Nuno Corvelo Sarmentu, preside enkontru importante ho lideransa husi Diresaun Jerál rua iha Institutu Defeza Nasionál (IDN), hodi aprejenta no diskute planu atividades ne’ebé sei implementa iha semana ne’e.
IDN iha estrutura organizativu ne’ebé konsisti husi Diresaun Jerál rua,
1. Eskola Lideransa Nasionál (ELN) ho Responsável ba formasaun lideransa iha área seguransa no defeza.
2. Diresaun Peskiza, Dezenvolvimentu no Inovasaun (DIDI) Husi laran halo peskiza akademika, dezenvolvimentu no inovasaun estratéjika.
Aleinde , IDN mós iha diresaun seluk ne’ebé fó susténsia ba funsionamentu institutu,
• Diresaun Servisu Akadémiku (DSA),Orienta atividade akademika no prosesu administrativu relasiona ho ensinu.
• Diresaun Edukasaun no Formasaun (DEF),Lidera programa edukasaun formál no formasaun lideransa.
• Diresaun Jerál ba Jestaun Rekursu (DJJR),Fó susténsia administrativu, tekniku no logistiku ba IDN kompletu.
• Diresaun Administrasaun no Finansas (DAF), hala’o Jestaun ba asuntu orsamental no administrativu.
• Diresaun Fornesimentu no Patrimoniu (DAP) halo jestaun fornese no patrimoniu institusional.
• Diresaun Rekursu Umanu (RH) ne’ebé Orienta jestaun no dezenvolvimentu rekursu umanu.
• Diresaun Komunikasaun, Audiovizual no Produsaun (DCAP), Fó suporta promosaun IDN liuhusi média no konténudu audiovizual.
Objetivu prinsipál enkontru ne’e mak atu, Aumenta koordenasaun entre ekipa sira. Garanti preparasaun aula no materiál adekuadu. Ofrese formasaun kontinua ba profesionais. Halo monitorizasaun no avaliasaun kontinua ba prosesu ensinu-aprendizajen.
Konkluzaun, planu ne’e sei fó orientasaun ba atividades iha semana ne’e no fó oportunidade ba direksaun sira atu hatama sujestaun no komentáriu, atu bele halo ajustamentu ne’ebé presiza.#MédiaIDN
|
|
