Díli, 24 Marsu 2025 ,Diretór Interinu Instituto Defeza Nasionál (IDN), Sr. Guilherme Soares, hamutuk ho Sr. Nuno Corvelo Sarmento, Kordenador Ensinu no Formasaun, no Superintendente Joni Viana, Diretora DCAP Sra Silivia Jesuina hala’o enkontru ho peritu senior husi Sudeste Aziátiku, Prof. Richard McGregor, husi Institutu Lowy, Austrália.
Enkontru ne’e hala’o ho objetivu principal atu troka informasaun kona-ba dinamicas rejional nian iha rejiaun Sudeste Aziátiku.
Prof. Richard McGregor nu’udar eis xefe servisu iha área finanseira iha Washington no Pekin, no autór livru barak kona-ba Azia Leste.
Vizita ne’e, mak parte husi nia viajen iha Sudeste Aziátiku, hodi troka opiniaun kona-ba dinámika rejionál no asuntu polítika esterna prinsipál ho academico sira, lider polítiku no governante iha rejiaun asia pasifica inclui mos ho Timor-Leste nian.
Iha enkontru ne’e, Diretór Interinu IDN partilha mós programa no atividade akademika sira ne’ebé IDN realiza durante ne’e, ba Prof. Richard McGregor hanesan espesialista iha asunto Sudeste Asziatiku nian IDN solisita, hodi bele partilha mós materia sobre Estudo Asiatica nian ne’ebé iha relesaun direta ho Kursu sira nebe’e mak IDN organiza durante ne’e.
Husi enkontru ida ne’e, IDN husu ba Prof. Richard McGregor atu iha futuru bele vizita fali Timor-Leste no partisipa iha mós konferénsia hodi partilha perspetiva kona ba dinamica rejional hodi fó oportunidade ba alunos no eis-alunos IDN atu aumenta sira nia koñesimentu.
Tanba Prof. Richard McGregor mai husi instituisaun famozu iha area pesquisa nian iha Australia, vizita ne’e hanesan oportunidade pertinente, nia bele partilha mós resultado pesquisa sira mai IDN, no Profesor ne’e mós , promete se partilha livro ninian ho IDN sobre estudos Asiatico ni’an . #MediaIDN
|
|
