Díli, 24 Abril 2025 – Reprezentante Diretór Interinu husi Institutu Defeza Nasionál (IDN), Dr. Nuno Corvelo Sarmentu, hamutuk ho Asesór Dr. José Manuel Fernandes “Nakfilak”, asiste aprezentasaun husi estudante Grupu rua, husi Kursu Estadu Maior Konjunta Integradu (CEMCI) ba dala 4, kona-ba matéria Teknolojia Informasaun no Sibernétika, ne’ebé hala’o iha auditóriu IDN, Palásiu Governu, Dili.
Aktividade akademika ida ne’e hetan moderasaun husi dosente Dr. Guilherme Soares, ho esperiénsia tinan 20 resin iha área Teknolojia Informasaun. Apresentasaun ne’e, fó oportunidade ba estudante sira, atu hato’o peskiza sira kona-ba seguransa sibernétika no konflitu iha espasu digital. Ho Temátika importante sira hanesan tuir mai:
• Grupu Dahaat: Apresenta peskiza kona-ba atake sibernétika ba rede elétrika iha Ukraina. Grupu ne’e fó-análize kona-ba impaktu psicolójiku no estratégiku, no resposta governu Ukraina nian hamutuk ho apoiu internasionál.
• Grupu Dalima: Estuda kona-ba virus Stuxnet ne’ebé uza atu sabotajen programa nuclear Iraun. Sira hakerek kona-ba dominasaun digital no papel estadu iha konflitu sibernétika.
Aprezentasaun sira ne’e hatudu importansia seguransa sibernétika iha era digital no klarifika oinsá teknoljia bele sai ferramenta poderosa iha konflitu modernu. Diskusaun ida-ne’e mós ,bele aumenta kapasidade no kompreensaun estudante sira kona-ba konflitu sibernétiku, no fó preparasaun ba operasaun milítar ne’ebé presiza apoiu teknoljia sibernétika.
Apresentasaun grupu Grupu Dahuluk, Grupu Daruak no Grupu Datoluk) hala’o tiha ona iha loron 23 Abril 2025. Enkuantu Grupu Dahaat no Dalima aprezenta iha loron 24, aktividade akademia ne’e ho finálidade atu aumenta prontidaun no kompreensaun estudante sira iha domíniu sibernétiku. #MédiaIDN
|
|
