Dili-Estudante Estajiadu na’in-haat, husi Universidade Nacional Timor Lorosa’e (UNTL), liuhusi Faculdade de Ciênsias Sosiais nia Departamento de Comunicação Sosial, iha loron Sexta-Feira, 07/06/2024, ensera sira nia Estájiu profesionál iha Instituto da Defesa Nasionál (IDN), auditória Palacio Governu Díli.
Iha aktividades enseramentu ne’e, Diretór Interinu IDN, Dr. Guilherme Soares hateten, estájiu profesionál hanesan prátika ida ne’ebé atu lori Estajiadu sira ba hatene , servisu iha ekipa ida iha instituisaun sira, hodi apar ba teória sira ne’ebé aprende ona iha eskola ba pratika , aliende ne’e introduz mós kona-ba ba istória no Vizaun, Misaun IDN nian.
Aliende ne’e, Dosente orientadora do Kampu mestra Constancia S. C. B. de Jesus, hato’o Agradese wain ba parte hotu iha institutu da Defesa Nacional, ne’ebé durante ne’e, akompaña ona Estajiadu sira hodi hala’o prátika estájiu profesionál atu kompleta di’ak liután siensia ne’ebé aprende ona iha kampus, aliende ne’e, husu mós deskulpa ba parte hotu iha IDN relasiona ho eiru balun ne’ebé Estajiadu sira komete iha atividade ne’ebé Estajiadu sira hala’o durante fulan rua, hahu loron 8 Abril to’o loron 7 Juñu 2024.
Iha fatin hanesan reprezentante Estajiadu Simão Pedro, hato’o Agradese parte hotu-hotu iha IDN, liu-liu Diresaun Rekursu Umanus (RH), Diresaun Komunikasaun Audio Produsaun (DCAP) no Diresaun Investigasaun Dezenvolvimentu Inovasaun (DIDI) ne’ebé simu ona Estajiadu sira hodi hala’o Estájiu profesionál durante fulan rua, aliende hato’o mós obrigado ba esperiénsia, motivasaun no ideia inovativu ne’ebé Estajiadu sira hetan durante fulan rua.
Iha enseramentu ne’e iha mós, sesaun troka prendas entre Estajiadu sira ho IDN, aliende distribui mós sertifikadu apresiasaun ba Estajiadu sira.
Enkuantu partisipa iha atividade enseramentu ne’e, mai husi Diretór Interinu IDN, ho kargu xefia sira hotu iha diresaun sira iha Institutu da Defesa Nasionál no funsionariu sira. #MediaIDN
|
Total Visualização : 121