Díli- Estudante Eskola Sekundária Tékniku Vokasionál Katólika Mater Mesericordia (ESTVC-MM) Lauala Gleno Ermera , hamutuk nain 6, Iha loron 21 fulan Janeiru Tinan 2025, hahu hala’o estajiu profesional iha Instituto Defesa Nacional durante fulan 3, hahu fulan Janeiru to’o Marsu tinan 2025.
Objetivu husi estájiu profesionál ne’e, atu kompleta alunos sira nia estudu iha nível eskola ensino secundáriu téknika Vokasional Katólika Mater mesericordia (ESTVC-MM). Iha oportunidade aprezentasaun mai IDN, estudante sira akompana husi diretór da escola Fr. Theodorus Demon ,CMM,S.Pd, ne’ebé simu husi diretór Rekursus Umanus IDN Dr. Fernando de Sousa.
Iha âmbito simu alunos sira iha auditório IDN , Diretór Rekursus Umanus ne’e ,halo introdusaun ba estudante sira, kona ba kuadru legal IDN, plataforma de reflesaun, visaun, misaun, objetivu estrategikus, estrutura IDN, inklui parcerias sira ba alunos sira.
Hafoin ne’e, parte rekursus Umanuis fahe estudante nain neen , ba diresaun tolu hanesan Diresaun Akademia nain nain 2, Diresaun Investigasaun dezenvolvimentu Inovasaun (DIDI) Diresaun Comunicação Audiovisual produção (DCAP) nain rua. #MediaIDN
|
|
