Díli- Institutu defeza Nasional iha loron 20 fulan Dezembru tinan 2024, hala’o enkontru jerál ho, asesor ho assessora, kargu xefia ho funsionariu tomak , hodi avalia progresu servisu sira lao durante tinan 2024 nia laran, no hodi hare mós ba dezafiu sira.
Enkontru jeral ne’ebé diriji husi Diretór Interinu IDN, Dr. Guilherme Soares hateten programa ba kursu lubun, maka IDN konsege finaliza, no kursu balun kontinu lao, hein iha tinan oin, bele finaliza ho susesu, liu husi kargu xefia ho funsionariu hotu nia kontribuisaun.
Nune’e Prioridade aktividades formasaun sira sei implementa iha 2025 , relasiona defeza no seguransa ba parte interesada relevante.
-Edisaun dahuluk Akademia Konjunta (AK):
-Edisaun dahuluk Kursu Lideransa no Administrasaun Publika;
-Finaliza Edisaun datoluk Kursu Estado Konjunto no Integrada (CEEMCI)
-Finaliza edisaun dahuluk husi Kursu Kapitaun portu.
-primeiru kursu mestradu iha estudu marinu,
-Kontinua edisaun daruak Kursu Mestradu Seguransa no Dezenvolvimentu Nasional Sustentavel (MSDNS);
– Finaliza edisaun dahuluk Kursu Mestradu iha Seguransa no Dezenvolvimentu Nasional Sustentavel (MSDNS):
-Kursu Defeza no Seguransa ba Chefe dos Sucos, no Kursu Defeza no Seguransa ba Estudante Universidade Joven sira.
Nune’e diretór interinu IDN ne’ebe ho nia esprerensia iha área teknolijia informatika, kuaze tinan 20 hatutan, aproveita sorumutu ne’e, fahe mós politika governu hodi Transformasaun Institutu defeza Nasional, ba instituisaun ensinu superior, ne’eb’e oras ne’e sei iha faze diskusaun no preparasaun, nunee ekipa ne’ebé hetan responsabilidade, bele anota hodi kontinua nafatin iha tinan 2025 mai.
Enkontru ne’e remata ho foto hamutuk. #MediaIDN
|
|
