Díli, 27 Marsu 2025 – Diretór Interinu Instituto Defeza Nasionál (IDN), Dr. Guilherme Soares, partisipa iha serimónia aniversáriu Polísia Nasionál Timor-Leste (PNTL) ba dala 25, ne’ebé hala’o iha resintu Palásiu Governu, Díli.
Serimónia komemorasaun tinan 25, hari’i instituisaun PNTL, ho tema “Hamutuk Ita Hametin Konfiansa”, ho objetivu kontinua hametin matenek no maturidade membrus PNTL sira nia servisu hodi atende povu Timor-Leste, tuir lema PNTL “Mantein Lei no Orden”.
Seimónia ne’e nu’udar momentu importante atu rekorda história no evolusaun PNTL, hanesan instituisaun seguransa ne’ebé fundamental ida iha dezenvolvimentu no estabilizasaun Timor-Leste. Hodi , halibur membrus Polísia Nasionál Timor-Leste (PNTL) selebra aniversáriu ne’ebé marka ba dala 25.
Komandante Jerál PNTL, Komisáriu Jerál Henrique da Costa, M.Si, liu husi serimónia ne’e, hateten tema “Hamutuk Hametin Konfiansa” fó sentidu ba PNTL katak ,tenke servisu hamutuk ho entidade sira seluk hanesan juventude, lider komunitáriu, veteranu, lider relijiozu no sosiedade tomak, hodi fornese atendimentu di’ak no lais ba hametin estabilidade no bele hetan konfiansa husi komunidade.
Komandante Jerál PNTL ne’e mós, fó hanoin ba membru PNTL sira tenke mantein unidu no disiplinadu, rona ba hirarquia komandu, no evita influénsia polítika, ho involve grupu arte marsiais no ritual sira. Ba komandante sira iha nivel hotu-hotu, husu tenke kontinua inovativu, buka aprendizajen foun hodi dezenvolve aktividade tuir prioridade 5 komandu PNTL ni’an.
Liu husi serimónia historiku ne’e, Komandu PNTL hala’o promosaun transitóriu ba membrus PNTL hamutuk 2,774 . hahu husi ajente to’o inspector xefi. nune’e Komandante Jerál PNTL ne’e, husu ba membru sira, atu kontinua hametin disiplina, respeitu malu, hametin unidade no lealdade ba superior sira, hodi bele kontinua hala’o misaun PNTL ho di’ak hodi servi komunidade.
Partisipa iha Serimónia Aniversáriu PNTL ba Dala 25 , Sua Exelénsia Primeiru Ministru Kay Rala Xanana Gusmão, hamutuk ho membrus Governu sira, reprezentante orgaun soberanu sira, no Xefi Estadu Maior Jenerál F-FDTL, Tenente Jenerál Domingos Raul “Falur Rate Laek.”Membru diplomátiku sira, lider relijiozu, no reprezentante sosiedade sivíl. Familia membrus PNTL sira. #MediaIDN
|
|
