Díli- Adjuntu Diretór Interinu Institutu Defeza Nasionál , Kapitaun Fragata Duarte Borges Loe, iha loron 13 fulan Fevereiro tinan 2025, realiza enkontru kordenasaun servisu ho Funsionáriu ho kargu xefia sira iha IDN, hodi hala’o preparasaun ba aktividades enseramentu Terseiru Kursu Estadu Maior Konjunto Integradu no primeiru Kursu Kapitaun Portu ne’ebé, IDN realiza iha tinan akademia 2024 to’o 2025.
No kontinua kedan ho abertura mós ba Kuatru kursu Estadu Maior Konjunto Integradu ba tinan akademia 2025 to’o 2026, ne’ebé husi lista partisipantes husi Polisia Nasionál Timor Leste PNTL, haruka mai IDN ona, no lista husi FALINTIL- Forsa Defeza Timor Leste mós, lista formal seidauk haruka mai, maibe tuir informasaun iha partisipantes na’in 14 mak sei mai tuir formasaun.
Ne’ebé tuir planu serimonia Graduasaun oficial, Institutu Defeza nasionál sei realiza iha loron 20, fulan Marsu tinan 2025. Nune’e husu ba diresaun hotu, atu halo koperasaun no kordenasaun ho di’ak ba malu, nune’e serimonia gradusaun bele lao ho susesu.
Asuntu daruak nian, iha loron 18 fulan fevereiru tinan 2025, Partisipates terseiru Kursu Estadu maior Konjunto Integradu, sei realiza mini konferensia, presiza IDN nia apoia nune’e konferensia ne’e, bele lao ho diak. No mantein nafatin disiplina.
Asuntu datolu, ba iha loron 25 fevereiru tinan ne’e, Instutu Defeza Nasionál sei realiza mini konferénsia ba partisipantes primeira Kursu Kapitaun Portu, ho planu konvida mós orador sira ne’ebé peritu iha asuntu adoneiru no Aportil, inklui sira especialista iha área marítima.
Hakat mai loron 27 fulan Fevereiru tinan 2025, IDN sei akompaña partisipantes primeira Kursu Kapitaun Portu hala’o Vizita estudu ba portu Díli ho Portu tibar, hodi apar matéria teoria ho pratika no hare direita naturza servisu sira iha fatin rua mensiona.
Kontinua tan ba loron 4 to’o 10 Marsu tinan ne’e, Partisipantes primeira Kursu Kapitaun Portu sei halo estajiu, nune’e presiza diresaun sira iha IDN, nia kordenasaun servisu hodi mantein aktividades hirak IDN realiza lao ho susesu.
Nune’e iha mensajen ikus, Adjuntu Diretór Interinu Institutu Defeza Nasionál, Kapitaun Fragata Duarte Borges, fó hanoin nafatin ba kada departementu sira, atu halo kontrolu ba funsionáriu sira nia servisu, hodi hatene sira nia dezempenhu servisu, no mantein nafatin disiplina. #MediaIDN
|
|
