Díli- 17 Abril 2025 , Reprezentante Diretór Interinu Instituto Defeza Nasionál (IDN), Dr. Nuno Corvelo Sarmento, hala’o enkontru semanal ho xefia sira husi diresaun 7, ne’ebé importante iha estrutura IDN.
Enkontru ne’ebé realiza iha audióriu IDN, Palásiu Governu, Dili, ho Diresaun sira ne’ebé partisipante mak hanesan , Diresaun Jerál Jestaun Rekursu. Diresaun Administrasaun no Finansas. Diresaun Aprovisionamentu no Patrimóniu. Diresaun Komunikasaun Audiovizuál no Produsaun. Diresaun Ensinu no Formasaun.
Diresaun Servisu Akadémiku. Diresaun Investigasaun, Dezemvolvimentu no Inovasaun.
Iha enkontru ne’e, diretór no diretóra husi diresaun sira, aprezenta relatóriu servisu ba semana ida, bazeia ba planu ne’ebé diresaun sira elabora ona . Objetivu prinsipal mak atu partilha informasaun, ko’alia ba dezafiu sira ne’ebé diresaun sira enfrenta, no buka solusaun hamutuk.
Reprezentante Diretór Interino IDN Dr. Nuno Corvelo Sarmento hateten, enkontru semanal ne’e, importante tebes atu reforsa koordenasaun entre diresaun sira, monitoriza progresu servisu no aumenta efisiénsia iha jestaun organizasaun. No bele sai mós oportunidade atu halo refleksaun kona-ba dezenvolvimentu organizasional, no identifika área sira ne’ebé presiza melhóra iha IDN . #MédiaIDN
|
|
