Díli- Institutu Defeza Nasionál iha Loron 31 Jullu , Tinan 2024, realiza mini Konferénsia ba participantes 3° Cursu Estadu-Maior Conjunta Integradu (CEMCI) hamutuk na’in 15, iha auditári IDN Palásiu Governu Díli.
Iha Ambitu Formasaun ba matéria Lideransa, IDN Konvida Doutor Ivo Mateus Gonsalves hodi fó palestra liga ho Tema Istória Rezisténsia Juventude iha tempu rezisténsia , hodi partilha ho partisipantes 3° CEMCI sira ne’ebé, barak mos involve iha aktividade rezistênsia iha tempu pasadu.
Diretór Ensinu Formasaun IDN Capitão Tenente Duarte Borges Loe hateten, tema palestra Istória Reziztensia juventude, parte ida husi unidade kurikular liderança, tanba ita koalia kona bá lideransa, ita koalia kona ba tarefas no responsabilidade.
Tuir nia, Liderança koalia kona ba oinsa, maka organiza ema, bele iha persuasivu influensia ema hirak ne’ebé maka lidera ne’e komanda ba, hodi rona orden liderança nian bele atinji misaun ida. Tanba ne’e, ita foti momento resistência iha pasadu, liga ba ho ita nia kontestu teorika liderança, sai hanesan inspirador no motivador hodi motiva participantes sira .
Tanba hare’e ba izemplu realidade, ita nia liderança iha anterior ne’ebá, ne’ebé lidera rede klandestina, sira bele iha maneira liderasan hodi halibur joven sira, doutrina joven sira hodi atinji misaun ba indepensia .
Ho ne’e, palestra ohin, Palestrador Doutor Ivo Mateus Gonsalves laos mai hanorin sira, maibe mai halo diskusaun no partilha ba malu enter palestrador ho participantes sira, tema Istória Rezisténsia Juventude.
Liu husi aktividades ne’e, IDN mai ho espetativa, partisipantes sira bele kompriende diak liu tan, saída mak teoria no saída maka pratika iha sira nia partilha ba malu, bele mós lori sira kompleta aprende ba malu no sai mós motivasaun ba sira seluk ne’ebé laiha oportunidade hodi participa iha diskusaun ida ne’e, ou la dauk iha oportunidade mai partisipa iha kursu ida ne’e. #MediaIDN
|
|
