Díli- 4 Jullu 2025, alunu Kursu Estadu Maior Konjunta Integradu ba dala 4, sesta feira ne’e ,hala’o ezame avaliasaun ba matéria Metodolojia Peskiza Kualitativu no Kuantitativu , ne’ebé sira aprende iha aulas durante loron 4.
Iha prosesu akademia ne’e, alunus sira aprezenta tema individual liga ba matéria Metodolojia Peskiza Kualitativu no Kuantitativu, hodi hetan avaliasaun husi dosente dosente Prof. Doutor Augusto da Costa SS., M.Theo., M.A., M.Pd. iha auditoria IDN pateo Díli.
Iha kontestu formasaun profisionál ba lideransa militar ho polísial iha planeamentu estratéjiku, ezame avaliasaun ba Matéria Metodolojia Peskiza Kualitativu no Kuantitativu nian importante tebes. Avaliasaun ida ne’e bele hatudu no determina sira nia nivel kompeténsia no komprensaun alunu sira kona-ba prinsipiu sientífiku, metodolojia peskiza, no kapasidade sira atu aplika iha realidáde operasional no planeamentu politika seguransa nasionál.
Ezame mak mós meiu atu evalua kapasidade alunus iha halibur, analiza, no interpreta dadus sientífiku. Peskiza kualitativu no kuantitativu fó alunus ferramenta atu halo deklara no rekomendasaun ne’ebé fundadu ba evidénsia. Nee importante tebes iha prosesu tomada de desizaun iha nivel estratejiku.
Tanba formasaun Iha institutu Defeza Nasional, prepara alunu sira prepara-an ba rezolve problema komplexu ne’ebe relasiona ho seguransa nasional, konflitu, no operasaun militar. Metodolojia peskiza fó hela base sólidu atu investiga situasaun sira ne’e ho abordagem sistemátiku, objetivu no kritiku.
Ezame ba kontestu metodolojia peskiza ajuda identifika sira nia kapasidade atu lidera prosesu peskiza, interpréta informasaun relevante, no dezenvolve planeamentu ba intervensaun ne’ebé efikasia, no prepara alunu sira bele sai líder future sira iha institusaun F-FDTL PNTL.
Avaliasaun ezame mós fó garante katak alunu sira kumpre ho kritériu akademiku no padraun profisionál ne’ebé IDN estabelese. parte importante husi sistem formasaun militar sira ne’ebé orientadu ba meritokrátiku no kapasidade.
No fó motivasaun no konsisténsia iha aprendizajen ba alunu sira atu estuda no prepara -an bele kontinua ho konsisténsia. Ezame mós forma ida atu haree parte ne’ebé alunu sira presiza reforsa no parte ne’ebé alunu domína diak liu. #MédiaIDN
|
|
