Díli- Partisipantes Kursu Estadu Maior Konjunta Integradu ba dala 3, iha loron 5 Novembru, tinan 2024, kontinua hetan matéria Estudu ASEAN ne’ebé hanorin husi Dra. Elisa Maria, hanesan diplomata servisu iha Ministério Negosiu Estranjeru no koperasaun (MNEK).
Tuir oráriu husi Diresaun Ensinu Formasaun IDN , aulas ba materia Estudu ASEAN sei lao durante semana ida iha Auditório Instituto Defeza Nasional (IDN) palásiu Governu Díli, hodi hasae koiñesimentu ba partispantes hamutuk nain 7 , ne’ebé besik tinan ona, partisipa kursu Estadu Maior Konjunta Integradu ba dala 3.
Iha matéria Estudu ASEAN, sei haklean liu sobre pilár sira husi Komunidade ASEAN, hanesan Politika no Seguransa, Kondisaun Ekonomika , Sosiu no Kultura, nu’udar rekezitu importante ida,banhira sai Membru nasaun. Introdusaun jerál Associations of South East Asian Nations (ASEAN) hanesan organizasaun rejionál ida, ne’ebé fasilita kooperasaun entre nasaun sira iha Sudeste Aziatiku desde tinan 1967. Hahu dezeiju hodi kria rejiaun ida pasífika.
Nasaun sira asina Deklarasaun Bangkok, hakarak serbisu hamutuk hodi alkansa kresimentu ekonómiku, dezenvolvimentu sosiukultura, nomós paz no estabilidade iha rejiaun, iha sumbriña ASEAN nian.
ASEAN harii ho nia membru fundadór nasaun lima maka Indonézia, Tailandia, Filipina, Malázia no Singapura. Nasaun lima foun seluk iha rejiaun Sudeste Aziatiku iha tinan tuir mai adere mós ba ASEAN maka Brunei Darussalam (1984), Vietnam (1995), Laos, Myanmar (1997) no Kambodia (1999). To’o agora Estadu membru ASEAN hamutuk sanulu. #MediaIDN
|
|
