Díli- Partisipantes Kursu Estadu Maior Konjunta Integradu ba dala 3, iha loron 21 to’o loron 29 Fulan Outobru tinan 2024 sei hetan matéria Jestaun Lojístika, ne’ebé hanorin husi dosente Coronel Sampaio e Silva, iha auditório IDN palásiu Governu Díli.
Tuir orário ne’ebé dezenha husi diresaun Ensinu Formasaun IDN, aulas ba materia jestaun lojistika sei lao durante semana ida ba, Partisipantes Kursu Estadu Maior Konjunto Integradu ba dala 3.
Tanba Matéria Lojistika nudar “Siensia kona-ba planeamento, ezekusaun movimentu no forsa sustentavel sira, relasiona ho aspetu sira tuir mai husi operasaun militar.
Hodi dezeñu no dezenvolvimentu, recepsaun, armazenamentu, movimentu, transporte no manutensaun, evakuasaun no instalasaun materiál, ekipamentu no fornesimentu,Transporte pessoal. Akizisaun, konstrusaun, operasaun no instalasaun sira ba prestasaun servisu sira.
Tanba konseptu no definisaun lojístika nudar prosesu planeamentu, implementasaun no kontratu armazenamentu efisiente no efetivu ba materiál sira, produtu sira iha armazén (stock) produtu sira ne’ebé remata ona, no mós informasaun sira ne’ebé relasiona ho hahú husi pontu orijinál to’o pontu konsumu, atu nune’e bele responde ba ezijénsia sira husi fornesedór/konsumedor sira. #MediaIDN
|
|
