Díli, 10 Setembru 2025 – Alunu sira husi Kursu Estadu Maior Konjunta Integradu ba dala 4, partisipa iha matéria “Operasaun Terrestre”, ne’ebé hetan hanorin hanorin husi Kapitán Fragata Graduadu Nicolau Sousa Guterres, atual Diretór Ensino-Formasaun iha Institutu Defeza Nasionál (IDN). Aulas ne’e realiza iha auditóriu IDN, Palásiu Governu, Díli.
Matéria “Operasaun Terrestre” mak parte importante iha estratéjia no operasaun milítar, ho objetivu atu fó kontribuisaun ba preparasaun no aumentu kapasidade alunu sira. Hanesan Ofisiál sira husi F-FDTL no PNTL, ne’ebé partisipa konjuntamente iha formasaun ne’e, atu loke dalan ba koordinasaun no interoperabilidade entre forsa seguransa sira.
Konténudu Matéria Iha loron dahuluk, alunu sira aprende kona-ba definisaun no konseitu sira hanesan, Poder Nasionál, inklui natureza no dimensaun sira nian. Poder Militár, ho funsaun no komponente sira nian. Forsa Rai Nian ho tipu operasaun sira iha rai laran. Ambiente Operasaun iha Timor-Leste.
Definisaun husi Poder Nasionál dehan katak, Poder Nasionál mak konstituí husi kapasidade Estadu atu alkansa no proteje objetivu nasionál sira. Bazeia ba artikulasaun entre dimensaun polítika, militár, ekonómika, sosiál, diplomátika, informasionál no teknolójika.
Vantajen Matéria ne’e fó oportunidade ba alunu sira atu hetan, Treinu no simulasaun konjunta. Hadiak komunikasaun, konfiansa no kooperasaun efetivu entre F-FDTL no PNTL. Formasaun kona-ba lideransa iha operasaun rai laran. Kapasidade atu analiza situasaun iha nivel tátiku no operasional. Hadiak dezizaun estratéjika iha situasaun emergência, konflitu, dezenvolvimentu, no defesa territorial.
Matéria ne’e importante tebes atu prepara ofisiál sira iha prontidaun operasional ba,Resposta ba dezenvolvimentu no estabilizasaun.Operasaun humanitáriu no resposta ba dezastre. Defeza soberania no integridade territorial Timor-Leste.
Através formasaun ne’e, alunu sira hatene no aplika doutrina operasaun terestre husi F-FDTL no PNTL, adapta ba konteksu ne’ebé presiza kolaborasaun interajénsia. Matéria “Operasaun Terrestre” fó kontribuisaun boot ba seguransa no estabilidade nasionál, liu-liu iha prosesu dezenvolvimentu no soberania.
Konkluzaun Partisipasaun konjunta alunu sira husi PNTL no F-FDTL iha formasaun iha IDN, fó baze forte ba formasaun lideransa militár no seguransa ne’ebé kompetente. Matéria ida ne’e fó garantia atu reforsa koordinasaun interinstitusionál, atu defende soberania no integridade Timor-Leste iha tempu oin. #MédiaIDN
|
|
