Díli, 3 Marsu 2025 – Sua Exelénsia Ministru Defeza Timor-Leste, Kontra Almirante Donaciano do Rosário da Costa Gomes, Ph.D., hala’o enkontru ho Jenerál Steven Nordhous husi Estadu Unidus Amerikanu. Enkontru ida ne’e, fó oportunidade atu hametin relasaun amizade no koperasaun entre Timor-Leste ho Estadu Unidus.
Enkontru ne’ebe hala’o iha auditóriu Instituto Defeza Nasionál (IDN), Palásiu Governu, Díli. Ministru Defeza hetan akompaña husi Diretór Interinu IDN, Dr. Guilherme Soares, no Adjuntu Diretór IDN, Kapitaun Fragata Duarte Borges Loe.
Hafoin enkontru, Kontra Almirante Donaciano do Rosário da Costa Gomes hateten ba média Nasional katak, vizita Jenerál Steven Nordhous ne’e importante tebes, tamba hametin koperasaun ne’ebé hahú kedas husi tinan 2002, hafoin Timor-Leste hetan independénsia.
Ministériu Defeza sei halo preparasaun hodi hadia referensia ba koperasaun internasional iha área defeza no sei kontinua servisu hamutuk ho Estadu Unidus.
Koperasaun entre Timor-Leste no Estadu Unidus sei foka ba fatin estratéjiku ha’at ne’ebé fó benefísiu ba seguransa no dezenvolvimentu. Estadu Unidus fó suporta ba manutensaun atividade sira hanesan:
Infraestrutura Defeza, halo Manutensaun ba Aeroportu Baucau no konstrusaun kazerna ba forsa militar Timor-Leste. Ezérsisiu Konjuntu, Partisipasaun iha atividade ezérsisiu hari hamutuk.
Apoiu Umanitáriu,Estadu Unidus fó kontribuisaun ba programa tulun umanitáriu iha komunidade Timor-Leste.
Tuir Ministru Defeza, aban, loron 4 Marsu 2025, sei halo inaugurasaun ba ankar fatin aviaun helikópteru nian no armajen ida iha Munisípiu Baucau. Infraestrutura ida ne’e, sei fó kontribuisaun importante ba prevensaun desastre naturais.
Nune’e Iha futuro koperasun futuro mai , Ministru Defeza fó prioridade ba, Desenvolvimentu Kapasidade Rekursu Umanus. Aumenta formasaun no treinamentu ba forsa defeza. Melhoria Infraestrutura –,Konstrui no hadia fatin sira ne’ebé presiza ba seguransa Nasaun.
Defini Koperasaun Klaru , hodi Harii polítika klara ba koperasaun internasional hodi ita bele fó prioridade ba buat sira ne’ebé ita hakarak.
Partisipa iha enkontru ne’e mós Asesor Jurídiku Ministériu Defeza, Dr. Antonio Alves, Diretór Jerál ba Polítika Defeza Nasionál, Dr. Nuno Carvalho do Santos; no Diretór Jerál Rekursu ba Defeza, Dr. Martinho Moniz. #MédiaIDN
|
|
