Díli- Instituto Defeza Nasional (IDN), iha loron 24 Fulan Abril 2024, akompaña Partisipantes 3° Curso Estadu Maior Conjunta Integradu (CEMCI) hamutuk na’in 14, mai husi Oficial PNTL ho postu Superintendente Assistente, no Maijor, Capitão Tenente no Capitão Fragata husi FALINTIL Forsa Defeza Nasional, Ba hala’o Medical Check Up iha Hospital Nasional Guido Valadares Díli (HNGV).
Objetivu husi Medical Check Up ba partisipantes 3° CEMCI, atu konfirma didiak sira saúde enjeral husi participantes sira, antes sira partisipa iha aktividade Akademia durante fulan 9 iha IDN.
Iha aktividades Medical Check Up, Partisipantes sira akompaña husi Diretor do Curso IDN, Capitão Tenente Duarte Borges Loe, ho parte Diresaun Rekursu Humanus IDN. Ne’ebé tuir orário diresaun akademia IDN, aktividades atestado medico durante loron rua, hahu loron 24 ho participantes nain 7 no loron 25 ho participantes nain 7.
Fo hanoin fali, atual ne’e, iha parte dader, Partisipantes 3° Curso Estadu Maior Conjunta Integradu (CEMCI) hamutuk na’in 14, partisipa formasaun iha unidade curricular língua portuguesa durante fulan 3. Hahu loron 3 Abril 2024 to’o loron 3 Junho 2024, iha auditoria IDN Palacio do Governu. No parte lokoraik sira, sei partisipa aulas ho matéria Metodolojia de Investigasaun Cientifica, ne’ebe hanorin husi dosente professor Doutor Amandio Sarmento husi Universidade Nasionál Timor Lorosae (UNTL) #MediaIDN
|
|
