Díli- Partisipantes ba Cursu Estadu Maior Konjunto Integradu (CEMCI) ba dala Tolu, iha loron 30 Setembru tinan 2024, kontinua matéria Planeamentu Operasaun Nasionál, ne’ebé hanorin husi dosente Tenente Coronel Moreira de Jesus iha auditório Institutu Defeza Nasional IDN Palásiu governu Díli.
Dosente Tenente Coronel Moreira de Jesus, mai husi Institutu Universitáriu Militar Portugal, no tuir orariu husi diresaun Ensinu Formasaun IDN, aulas ba matéria Planeamentu Operasaun Nasionál hahu loron 30 Setembru 2024, to’o loron 16 outobru tinan 2024.
Materiá ida-ne’e, sei fó apoiu ba oficial polísia no pesoál militár sira iha área operasaun konjunta no kombinada, inklui operasaun konjunta ne’ebé bele liga ho misaun manutensaun pás nasionál ka internasionál, hodi ajuda sira atu kumpre sira-nia misaun manutensaun pás iha rai-li’ur.# MediaIDN
|
|
