Díli- Partisipantes primeiru Kursu Kapitaun portu, hamutuk nain 23, kontinua ba loron 20 fulan dezembru tinan 2024, remata matéria impaktu Ambiental ba futuru, ne’ebé hanorin husi Dosente Dr Antonio Lelo Taci, iha auditorio Institutu Defeza Nasional Palásiu Governu Díli.
Iha maneira teste avaliasaun matéria Impaktu Ambiental ba futuru ne’e, partisipantes sira, fahe ba grupu tolu ,hodi sira hala’o aprezentasaun, nune’e dosente sira bele avalia, partisipantes sira nia komprensaun ba matéria ne’ebé dosente hanorin durante semana ida.
Enkuantu Partisipantes primeiru Kursu Kapitaun portu hamutuk nain 23, mai husi Polísia Maritima PNTL, Komponente Naval F-FDTL, Autoridade Maritima, Diresaun Nasional Transporte Maritima, partisipa aulas dader ho lokraik ,bazeia ba orário ne’ebé mai husi Diresaun ensinu Formasaun IDN.
Matéria Impaktu Ambiental ho nia Konteúdu, Introdusaun, Poluisaun define ona, Tipu poluisaun tasi nian, Fonte polutante tasi nian, Impaktu husi poluisaun tasi nian, Kustu poluisaun tasi nian, Eskala polusaun tasi nian iha Jamaika, Solusaun ba Polusaun. Ne’ebé hanorin husi eis Prezidente Autoridade Nasional Lisensa Ambiental (ANLA), Dr Antonio Lelo Taci. #MediaIDN .
|
|
