Dili- Partisipantes Kurrsu Kapitaun portu ba loron 12 fulan dezembru tinan 2024 kontinua materia Intersaun Ba Komunikasaun Social, liga ba kode etika jornalista ne’ebe hanorin husi dosente Dr. Fransedes Suni iha auditorio IDN Pateo Dili.
Nune Iha ambitu kontinuasaun materia ba loron datoluk ne’e, iha parte dader partisipantes sira aprende kona ba kode etika jornalista tuir Regulamentu nu. 1/2017, 13 de Janeiru, ne’ebe hatete Atividade jornalistika iha Timor-Leste hanesan elementus importante ba realizasaun Estadu direitu Demokratiku ida ne’ebé kompletu.
Iha sentidu ne’e, protesaun ba atividade jornalistika no kriasaun kuadru lejislativu atu garantia nia realizasaun no iha nesesidade tebes atu proteje no salvaguarda ba independensia profisaun jornalista, iha tempo hanesan mos estabelese elementus ne’ebé bele sai matadalan orienta atividade jornalistika hodi garantia kualidade no livre.
Ho objetivu ne’ebé mak aprova iha Lei Komunikasaun Sosiál liu husi Lei n.° 5/2014, iha loron 19 fulan novembru, fo enfase ne’ebé forte ba liberdade imprensa no kriasaun orgaun tekniku espesializadu ba kontinuasaun autoritariu sosiál ida ne’e. Entre sira ne’e, Konsellu Imprensa hanesan entidade administrativa independente, iha responsabilidade atu asegura lei hotu, hanesan observansia ba prinsipiu etiku ba jornalista nian.
Nune’e mos Antes ne’e, iha Dekretu-Lei n.° 25/2015 ne’ebé kria Konsellu Imprensa, fo mandatu atu uza prosesu regulasaun nian liu-liu ba orgaun ida ne’e, atu aprova kódigu Étika ba Jornalista tuir Lei Komunikasaun Sosial. Iha medida ida ne’e,eziste kódigu Étika ida ne’ebé mak aprova husi jornalista sira ho autoregulasaun hosi jornalista sira ne’ebé mak iha AJTL, SJTL no TLPC iha tinan 2013.
Tamba ne’e, atu hadia frakeza ne’e ho solusaun ne’ebé mak fo valor normativu ba prinsipiu étika no halo luan liu tan atividade jornalistika iha jeral. Iha kontekstu ida ne’e, fo konsiderasaun boot ba jornalistas sira nia regras ne’ebe sira aprova rasik, pretende revee hotu, mantein nafatin prinsipius importantes ne’ebe lori aktividades jornalistiku en jeral.
Entretantu iba parte loraik, partisipante kontinua halo diskusaun grupo ho materia ne’ebe mensiona ho perguntas sira mak hanesan, Dalan saida deit mak diak liu, ba ita nia instituisaun atu halo interasaun ho setór media. No Benefisiu saida deit mak ita nia instituisaun bele hetan husi interasaun ho setór media; Iha ka lae informasaun ba asuntu ruma ne’ebé setór media presiza hatene hodi hadi’ak konaba ita nia servisu; En termus de informasaun, ne’ebe ita nia instituisaun presiza halo hadi’ak nune bele tulun públiku liuhosi media atu hatene no komprende liután.
Objetivu husi diskusaun grupo ne’e, atu alunos sira bele aumenta sira kapasidade no kuñesimentu kona ba hodi kompriende diak liu materia ne’ebe sira aprende iha mundo jornalismo.#MediaIDN.
|
|
