Diretor Interinu Instituto de Defesa Nacional (IDN), Guilherme Soares, hasoru malu Kapitaun Mar e Guerra (CMG) Doutór Hélder Fialho de Jesus, ne’ebé especialista iha Ciberdefesa no Seguransa iha Ciberespasu Forcas Armadas Portugal nian, atu diskute atividade docencia iha Kursu Kapitão ba Porto, inclui halao conferencia e halo estudos iha área refere.
CMG Hélder Fialho de Jesus halo parte ba korpu dosente kursu capitaun porto nian no ministra aulas ciberseguranca ho carga horário 30 horas tempo escolares iha Auditorio IDN. Durante enkontru diskute kona programa académica hanesan ser orientador ba trabalho aluno mestrado sira nian, estudos iha área ciberdefesa no ciberseguranca nian, organiza palestra, contribui ho artigo cientifico no relatório aulas nian.
Plano se organiza palestra iha âmbito curso nian hahu husi dia 21 to iha 25 fevereiro de 2025 kona-ba temas oi-oin mak hanesan, Gestão Portuária e Infraestrutura: Desafios e Perspectivas para Timor-Leste, Procedimentos Aduaneiros e Facilitação do Comércio Marítimo em Timor-Leste, no Cibersegurança no Seguransa iha Ciberespasu, ne’ebé sei halo hosi oradores nacionais e internacionais iha âmbito kursu-nian.
Atividade ida ne’e sei kontribui atu haburas konesimentu partisipante sira kona-ba dezafiu no pratika di’ak liu kona-ba gestaun portuário, procedimentos aduaneiros e proteje infraestrutura marítima no defesa kontra ameasa cibernétika.
IDN kontinua ho nia kompromisu atu fó formasaun ne’ebé di’ak liu ba estudante sira, hodi promove diskusaun kona-ba relevância estratéjiku ne’ebé importante ba area seguransa no defesa nasaun nian.#MediaIDN
|
|
