Formasaun Metodolojia Investigasaun Kualifika Funsionáriu ho Kargu Xefia Sira iha IDN

Formador ne’e ne’ebé hanesan Adjuntu Diretór Interinu IDN Kapitaun Fragata Duarte Borges Loe hateten katak, formasaun ne’e, ho fundamentu atu kualifikasaun kona-ba oinsá atu hala’o peskiza ho forma organizadu no rigorozu, inklui hili metodolojia, ferramenta no abordajen sira ne’ebé apropriadu ba peskiza.

Formasaun ida ne’e bazeia ba pontu xave balu, ne’ebé normalmente kobre iha tipu formasaun ne’e, hanesan:

1. Definisaun Problema Peskiza: Identifika no define ho klaru problema ne’ebé sei investiga.

2. Buka Analiza Informasaun: Pesquisa anteriór sira ne’ebé relasiona ho tópiku peskiza.

3. Planeia Estrutura Estudu: Hodi deside sai peskiza kualitativu, kuantitativu ka mistu.

4. Koleksaun Dadus: Métodu no tékniku sira atu halaibur dadus liu husi intervista, kestionáriu, observasaun.

5. Interpreta Dadus: Prosesa no interpreta dadus ne’ebé halibur ona.

6. Hakerek no Aprezenta Rezultadu: Hakerek relatóriu peskiza ida, inklui análize dadus no konkluzaun sira.

Vantajen husi Treinamentu Metodolojia Investigasaun ba funsionáriu ho kargu xefia sira iha IDN hanesan oportunidade valiozu ba dezenvolvimentu abilidade peskiza nian. Formasaun ne’e fó dalan ba partisipante sira atu dezenvolve abilidade avansadu iha téknika no métodu peskiza, ne’ebé esensiál atu halaibur, analiza no interpreta dadus.

Liu husi oportunidade formasaun ne’e, fó komprensaun ba partisipantes sira ho kapasidade di’ak , atu foti desizaun informadu bazeia ba dadus no evidénsia ne’ebé konfiável. Formasaun ne’e, fornesi ferramenta sira ne’ebé nesesáriu atu hala’o peskiza independente no avalia programa, estratéjia no operasaun sira iha institutu nia laran. Hametin instituisaun partisipantes sira nia abilidade atu halo revizaun no hadiak nia prátika sira, no ajuda haburas ambiente ho melloramentu kontínua. #MédiaIDN