IDN Despede Estudante Estajiariu Na’in 2 Husi DIT

Estudante estajiáriu nain rua mak Zenizia Belo de Araújo, husi Departementu Jetsaun Jerál, no Nidia Goreti Maia, husi Fakultade Bisnis no Jerál Menajementu, ho konsentrasaun ba Rekursu Humanus.

Aktividade Estajiu profesionál estudante nain rua, hahu iha loron 10 Feveiru 2025 no remata iha loron 10 Abril 2025. Durante tempu ne’e, estudante sira kontribui ho dinamika servisu iha IDN, no hetan esperiénsia ne’ebé importante atu aumenta sira nia kapasidade profisionál.

Depois estajiu remata, estudante sira fila fali ba kampus DIT ,atu kontinua ho prosesu akademiku no halo peskiza seluk ne’ebé fó kontribuisaun ba sira nia dezenvolvimentu profisionál iha futuru.

Vantajen husi Estudante Sira Hala’o Estajiu Profisionál iha Instituto Defeza Nasional Timor-Leste (IDNTL), hodi aumenta Experiênsia Prátika Estudante sira, hodi bele aplika teoriá ne’ebé aprende iha sala aula ba situasaun real, hodi kompara ho lian profisionál.

Aumenta Kompeténsia no Kapasidade Profisionál Iha estajiu, estudante sira bele dezenvolve kapasidade hanesan lideransa, komunikasaun, tim-traballu, no rezolve problema. Koneksaun ho Profisionál , Sira bele hetan oportunidade atu hasai koneksaun ho membro sira iha IDN, ne’ebé importante ba kareira iha futuru.

Kultura Institusionál ,Estudante sira aprende kona-ba estrutura, disiplina, no valor sira ne’ebé IDN sustenta, hodi aumenta sira-nia sentidu patriotizmu no servisu nasional. bele ajuda sira atu kompriende diak kona-ba setór seguransa no defeza haree possibilidade atu kontinua kareira iha área ne’e.

Serimónia simples no importante ne’e, hala’o iha auditoria IDN Palásiu governu Díli, remata ho IDN entrega sertifikadu apresizasaun ba estudante nain rua, hodi rekoñese kontribuisaun sira nian iha atividade relevante iha IDN iha periodu estajiu.

Iha momentu ne’e mós , estudante na’in rua , mos fó prenadas ba estrutura IDN, hanesan forma agredesementu . Remata ho foto hamutuk . #MediaIDN