Search
Close this search box.
idntl-header

IDN halo Ceremonia Despedida ba Estudante estajiariu husi Escola Secundaria Tecnica Vocacional Mater Miserecordia (ESTVC-MM) Lauala Gleno, Municipio Ermera.

Compartilhar

Dili- loron 15 fulan abril tinan 2024, Instituto Defesa Nacional (IDN-TL) hala’o despedida ho estudante estajiariu na’in 6, husi Escola Secundaria Técnica Vokasional Katólika Mater Misercordia (ESTVC) Lauala Gleno Ermera, husi área departamento informatika no Turismo ne’ebe estajiu durante fulan tolu iha Instituto Defesa Nacional.
Diretor Interinu IDN Dr.Guilherme Soares, iha seremonia despedida hateten, objetivu principal husi atividade estajiu nian mak oinsa imi bele aprende lalaok servisu iha área administrasaun Publika iha instituisoins estadu sira ne’ebe mak existe tiha ona, inklui IDN, nunee bele haforsa imi ida-idak nia atitude, habilidade no koiñesimentu hodi bele contribui ba iha desenvolvimento nasional nian iha futuro.
Tanba IDN rasik harii ho dekretu lei nú 12/2010 26 de agostu, maibe nia operasionalizasaun lao iha 2012. No hatur nia misaun hodi sai hanesan sentro exelensia iha desenvolvimento pensador no planeador estrategico liu husi formasaun iha area defesa nasional Nune’e, hakarak hatete katak, ita boot sira iha eskola professional, IDN sei oferese produto hardware ida desenvolve rasik husi pessoal IDN nian iha área biblioteca nian ho sistema digital library offline hodi utiliza ba consulta ou pesquisa ba aluno no mos ba professor iha atividade aprendigazem nia iha ESTVC-MM Gleno nian. iha futuru IDN se servico ho Ministerio da Educacao hodi bele utiliza mos iha eskola sira ne’ebe mak precisa desenvolve biblioteca bele utiliza sistema ne’e.
Representante husi eskola secundaria técnica vokasional Católika Mater Misercordia (ESTVC), Sr. Cezario de Jesus Martins , hato’o agradese wain ba IDN, ne’ebe simu ona estudante sira mai hala’o estajiu no orgaullu mos tambá primeira vez eskola ne’e, estudante sira mai hala’o estagiu iha IDN iha Palacio do Governo no Pateo. No durante fulan tolu, ami nia estudante sira nia atitude balu la monu ba imi funcionário ho kargu chefia sira IDN , lori sira nia naran, há’u husu desculpa.
Nune’e mos Chefe Departementu Lojistika IDN, Johanes da Cruz hatutan, durante ne’e , sira nain 6 passa ona tempu iha IDN, mesmu imi primeira vez maibe ne’e, hanesan esperiensia ida, saída mak durante ne’e imi aprende, bele apar ona ho pratika.
Nune’e IDN, mai ho Espetativa katak, matenek sira ne’e imi lori no aplika iha imi nia fatin. Karik iha dezemvolvimentu ita boot sira nia relatório sira sei presiza dadus ruma, bele kontaktu mai kada responsável sira ne’ebe mak durante ne’e imi hetan koloka ba.
Paulina da Costa Representante estudante sira , hato’o agradese wain ba Instituto Defesa Nacional lideradu husi Diretor Interinu Dr. Guilherme Soares ne’ebe fo oportunidade ba ami nia eskola, hodi fasilita ami halao estagiu durante fulan tolu. tanba liu husi atividade lubun hodi bele ajuda ami iha conhecimento no esperensia oin nusa funsiona sistema iha administrasaun publica nian no mos ami se continua husu apoio ba hakerek ami nia relatório. No mos, la haluhan husu desculpa karik, ami nia hahalok ruma ne’ebe ami rasik la descobre.
Serimonia despedida ne’e, remata ho troka prendas IDN ho eskola ESTVC, fahe sertikadu ba estagiadus nain 6, inklui foto hamutuk. # MediaIDN.
Scroll to Top