Dili- Loron 11 Fulan Abril 2024, Instituto Defesa Nasional hetan vizita husi Adidu Militar China, Coronel Miao Haijun ne’ebé akompaña husi Tenente Coronel Hexu , iha auditoria IDN Palacio do Governu Díli.
Iha oportunidade visita ne’e, Diretor interinu Instituto Defeza Nasional , Dr Guilherme Soares hato’o agradese wain ba Adidu Militar China, Coronel Miao Haijun ho nia ekipa visita IDN, no deseju katak, husi vizita ida ne’e , ba oin sei hametin relasaun di’ak liu tan entre IDN ho Militar China.
Oportunidade ne’e mos, Adidu Militar China, Colonel Miao Haijun klarifika, objetivu husi vizita mai IDN, hakarak hatene liu tan IDN no ba futuru hakarak servisu hamutuk iha area ruma kontribui ajuda IDN iha área formasaun .
Hola parte iha enkontru ne’e, mai husi, Diretor Interinu IDN Dr. Guilherme Soares, Diretor do Ensinu Formasaun Capitão Tenente Duarte Borges Loe, Coordenador do Kursu Superintendente Joni Viana, Diretor Diresaun Investigasaun Dezemvolvimentu no Inovasaun- DIDI, Dr Nuno Corvelo Sarmento no mos Dr. José Manuel Fernandes “Nakfilak”.
Enkontru ne’e remata ho kulturamente , IDN tara tais, entrega prendas ba Adidu Militar China, Colonel Miao Haijun ho nia ekipa, taka ho foto hamutuk. # Media IDN
|
|
