Díli- Ekipa Jogu Futsal husi Institutu Defeza Nasionál IDN) iha loron 18 Jullu Tinan 2024, partisipa iha abertura aktividades desportivu Copa Futsal FALINTIL –FDTL ba tinan 2024, hodi Komemora loron FALINTIL ba dala 49 , ne’ebé sei Komemora iha loron 20 Agusto tinan ne’e.
Hola parte iha abertura Copa Futsal FALINTIL –FDTL ba tinan 2024, Ekipa Jogu Futsal husi Institutu Defeza Nasionál (IDN) lidaradu husi treinador João Pedro Ribeiro , akompaña husi assistente Treinador Martinho Amaral no Official ekipa Tonilo da silva Santos no jogador sira.
Xefi Estadu Maior Jenerál FALINTIL Forsa Defeza Timor Leste Tenente Jenerál Domingos Raul “ Falur Rate Laek “ iha abertura Copa Futsal FALINTIL –FDTL 2024 , konsidera jogu futebol no futsal maka paizaun ida ne’ebé militar hotu komunga. ho razaun disiplina ne’ebe desportu ne’e kuda rigor, ba ita nia saúde ho espiritu komunitariu, esperia kompetitiva ne’eb’e lori , ba moris saudável hodi motiva ita hotu.
Ohin ita hotu halibur hamutuk iha ne’e, abertura Futsal CAP FALINTIL 2024, hodi Komemora loron anversariu FALINTIL ba dala 49 , ne’ebé sei comemora iha loron 20 Agusto tinan nee. Tanba ho aktividades desportivu, fó hanoin hikas mai ita hotu, FALINTIL sira sakrifisu , servisu makas, dedikasaun , Disiplina ne’ebé sira komunga durante tinan 2024 luta ba libertasaun Nasional.
Torneu ida ne’e, atu halo belun, no lori orgulhu ba joventude Timor Leste, ba jogador futsal hotu, iha ne’e presiza dezenvolve atetude ho orgulhu ekipa nia, no tenke proteze ba malu , signifika respeitu no kuidadu ba malu iha seitor sosidade tomak durante período aktividade lao.
Tanba Futebol hanesan atividades desportivu ida bele ajuda ita nia foin sae sira, sai sidadaun ezemplár ne’ebe ita hotu hakarak no kria sosidade ida saudável , solidaria ba hadomi malu. No husu ba ekipa jogador sira ho sira ne’ebe asiste, atu mantein disciplina durante jogu copa Futasl FALINTIL tinan 2024 lao, no komisaun organozadora sei la tolera asaun anarkismu ruma , hodi hamosu imajen la diak iha período aktividade derportu ne’e lao.
Hola parte iha Abertura Copa Futsal FALINTIL –FDTL 2024, iha grupu futsal hamutuk 30, mai husi institusaun estadu sira. #MediaIDN
|
Total Visualização : 183