Díli- Institutu Defeza Nasional partisipa iha Serimonia Festivál Kultura ne’ebé organiza konjunta husi Sekretáriu Estadu ba Arte no Kultura (SEAK) Centru Nasional Chega ( CNC) no Autoridade Rejiaun Administrativa Espesiál Oe-cusse Ambeno (RAEOA).
Ekipa IDN ne’ebé Marka Prezensa iha Serimonia Festival Kultura ne’e, lidera husi atual Diretór Diresaun Investigasaun Dezenvolvimetu Inovasaun (DIDI) Dr Nuno Corvelo Sarmento, akompaña mós ho Kordenador Ensinu Formasaun Superintendente Joni Viana, Diretór Aprovisionamentu no Lojistika Dr Fernando Sousa.
Serimonia Festival Kultura ne’ebé ho tema interkambiu kultura ba hametin Rekonsialiasaun hetan abertura husi Vice Primeru Ministru, Ministru Koordenadár ba Asuntu Sosiál no Ministru Dezenvolvimentu Rurál no Habitasaun Komunitária Mariano Assanami Sabino iha loron 14 Outobru Tinan 2024 iha kampu Oebau RAEOA.
Ne’ebé hetan partisipa husi Ministru Defeza Profesor Doutor Contra Almirante , Donaciano Costa Gomes “ Pedro Klamar Fuik” ho Membrus governu sira seluk mós. Inklui reprezentante husi Governu Nusa Tenggara Timor (NTT) Indonézia, Belu Atambua no Malaka.
Objetivu husi serimonia Festival Kultura ne’ebé realiza ba dala rua iha Nasaun Timor Leste , iha tinan ne’e, ho objetivu atu hametin lasu amizade entre Estadu rua, Timor Leste ho Indonézia , hodi proteje promosaun ba dame, Fraternidade Umana,Valoriza diversidade o Pluralidade Kultura entre Timor Leste ho Indonésia.
Festivál Fronteira ne’e, sei promove konektividade no empodera komunidade ka sosiedade sira liu husi aspeito cultura no historia ne’ebé refleta no inspira intensaun sosial , bazeia ba prinsipiu respeita diretus umanus,tolerância no solidariedade umana, no hari’i hikas cultura dame ne’ebé nia abut mai husi fiar, matenek local, tradisaun, Kultura no arte ne’ebé kontribui ba respeita valores umana.
Eventu ne’e, sai nu’udar plataforma ba muzika sira , grupu ka comunidade teatru, Culadores ,escritor , fotografer , jornalista, peskizador no estudante sira iha Timor leste no Indonézia no mos sai prosesu interkambiu cultura hodi hamosu kompresaun mútua no valoriza ba istoria no diversidade cultura.
Serimonia festival cultura ne’ebé tuir ajenda komisaun organizadora , sei lao semana ida, hahu loron 14 no sei remata iha loron 18 outobru tinan 2024, hetan partisipasaun maximu husi membros governu sira, reprezentante husi Instituisaun Estadu sira, inklui delegasaun mai husi Kabupaten Belu,Kabupaten Timor Tengah Utara (TTU) no Provinsi NTT ho Komunidade RAEOA rasik.#MediaIDN
|
|
