Díli, 7 Dezembru 2025 — Diretór Institutu Defeza Nasionál (IDN), Dr. Nuno Corvelo Sarmento, partisipa iha serimónia ofisiál komemora Memória Invasaun 7 Dezembru 1975, ne’ebé Timor-Leste komemora ona ba dala 50. Serimónia importante ida ne’e, organiza husi Gabinete Prezidente da Repúblika iha Suku Guiso, Postu Administrativu Loes, Munisípiu Liquiça, hodi hanoin hikas ba memoria invazaun husi Nasaun Indonézia ba Timor-Leste iha tinan 1975.
Serimónia komemorativu, estadu hatudu respetu ba mártir no vítima sira ne’ebé fó-an hodi defende rai laran, no hanoin fila-fali ba importánsia memorizasaun istóriku atu fó inspirasaun ba jénerasaun foun sira.
Eventu ne’e hala’o iha fatin istóriku Suku Vatuboro, ne’ebé iha papel boot iha rezisténsia fronteira norte. Entre tinan 1975–1979, baze rezisténsia iha área ne’e kompostu husi kompañia xave haat:
• Kompañia Bubu Api – iha Vatuboro
• Kompañia Tata Bei – iha Gugleur
• Kompañia Manus – iha Guiso
• Kompañia Magarapo – iha Lisadilla
• Kompañia Ramhana – iha Tatabei (ho membru husi Manatuto, Baucau, Lospalos no Viqueque)
Importánsia Komemorasaun Loron Memória 7 Dezembru, sai momentu ne’ebé povu Timor-Oan hanoin fila-fali istória rezisténsia no luta atu defende direitu, dignidade no independénsia.
Partisipasaun IDN iha serimónia dala 50 Memória Invasaun fó kontribuisaun, Reforsa identidade institusional no espirítu patriotizmu,fó valor tan ba istória luta povu Timor-Leste no hadia sentidu patriotiku iha Institutu.
Ezersísiu ida ne’e ajuda membrus komprende impaktu invazaun 1975 ba seguransa nasionál, aumenta koñesementu istóriku ba funsionáriu IDN, hadiak interasaun no relasionamentu
hodi Sai plataforma interatu ho veteranu rezisténsia, F-FDTL, forsa seguransa no entidade governamentais seluk.
Liu husi Serimónia ofisiál nune’e ,fó espasu atu promove imajen no misau IDN, hodi Estimula peskiza no estudu akademiku , motivadu IDN kontinua halo peskiza kona-ba istória defeza nasionál no polítika seguransa. hametin unidade entre lideransa, funsionáriu no parseiru institusional sira, Reforsa unidade institusional
Serimónia ne’e hetan partisipasaun Lideransa Estadu hanesan
• Sua Exelénsia Prezidente da Repúblika, Dr. José Manuel Ramos-Horta
• Prezidente Tribunal Rekursu, Afonso Carmona
• Sekretáriu Estadu Veteranus, César dos Santos da Silva “Merak”
• Eis Jenerál Reformadu, Lere Anan Timur
• Xefe Estado-Maiór F-FDTL, Brigadeiru Jenerál José da Costa Soares “TRIX”
• Eis Ministru Defeza, Dr. Filomeno da Paixão de Jesus
• Sekretáriu Estadu Peskas, Dr. Domingos da Conceição dos Santos “Mau-caro”
• Konvidadu honra sira no komunidade husi Postu Administrativu Loes. #MédiaIDN
