Díli- Funsionáriu ho Kargu Xefia sira husi, Instituto Defeza Nasionál (IDN) ho partisipantes 3° Cursu Estadu Maior Conjunto Integradu (CEMCI ) ba semana dahuluk iha loron 6 fulan Janeiru Tinan 2025, partisipa iha serimónia Içar Bandeira Nasionál ne’ebe realiza iha resintu Palásiu Governu Díli.
Serimónia Içar Bandeira Nasionál ba semana dahuluk, tinan 2025, hetan inspetor Serimónia husi Sua Exelénsia Primeiru Ministru Kay Rala Xanana Gusmão, hodi husu ba servidor Estadu sira, atu kumpri imi nia dever hodi servi Povu ho responsabilidade no aselera dezenvolvimentu iha tinan 2025 .
Tanba Tuir Sua Exelénsia Xefi Governu ba dala sia ne’e, Nasaun foun hanesan Timor leste sempre hahu ho prosesu kontrusaun estadu. Nune’e alerta ba governante sira,inklui parte aprovisionamentu Nasional atu hafasil prosesu sira, ho intensaun aselera dezenvolvimentu iha tempu bai loron.
Tuir xefi Governu nia avaliasaun , durante ne’e, prosesu dezenvolvimentu hotu, lao iha território timor laran, sempre hahu iha tempu udan, hodi lori atrasaun kontrusaun infrasturtura sira,hanesan Estrada, ponte no seluk tan, tanba udan la fó fatin. Nune’e ba tinan 2025 nia laran, husu atu kontrusaun bele hahu lao sedu. #MediaIDN
|
|
