Díli- 10 abril 2025, Sua exelénsia Ministru Defeza Timor Leste Kontra Almirante Donaciano do Rosário da Costa Gomes Ph.D, hamutuk ho funsionáriu Gabinete Ministru Defeza ho estrutura husi Instituto Defeza Nasionál, presta omenajen ba mate isin , Saudozu Dr José Antonio Lorenço da Costa , iha nia hela fatin Mamura Kakaulidun, Díli.
Hodi hato’o sentidu kondolénsia kle’an ba saudozu profesór Doutor José António Lourenço da Costa nia mate no familia enlutaadu sira, Iha tempu tristeza ida-ne’e. aproveita oportunidade , Sua exelénsia Ministru Defeza mós entrega sertifikadu rekoñesimentu ba maktoban Dr. Zeto nia mama, ba kontribuisaun ne’ebé saudozu presta ba IDN, hanesan dosente ba Ofisiais husi F-FDTL no PNTL.
Maktoban saudozu ho naran istimadu Dr. Zeto, hakotuk, nia peregrinasaun iha hospital Nasional Guido Valadares (HNGV), ho tinan 54, iha loron 9 abril 2025, haleu tuku 12:00 meudia. Tanba hetan desmaia no monu iha Auditóriu Kampus Faculdade Ciência Sociais UNTL , iha dader haleu tuku 9 dader kuarta-feira.
Hafoin monu matebian, ne’ebé hanesan mós Dekanu Interinu Faculdade Filosofia Ciência Humana (FFCH), funsionáriu ho estudante tula ba karreta no transporta ba Hospital Nacional Guido Valadares hodi halo tratamentu, maibe infelizmente la konsege salva nia vida. Hodi lori tristeza ba familia, no Familia bo’ot UNTL ho IDN.
Matebian moris iha suku Bucoli, Postu Administrativu Baucau Villa, Munisípiu Baucau. Iha tinan 2025, simu konfiansa no assume responsabilidade nu’udar Dekanu Interinu Faculdade Filosofia Ciência Humana, Universidade Nacional Timor Lorosa’e.
Durante tinan barak, saudozu mós , sai nudar dosente ne’ebé hanorin alunus no eis alunus sira , mai husi ofisial PNTL ho F-FDTL ne’ebé partisipa formasaun iha Institutu Defeza Nasionál. familiar tebes ho estrutura IDN ho funsionariu sira.
Kareira akademika maktoban Prof. Doutor José António, MA,SSi, iha vida profisional termina nia Lisensiatura iha UNTIM, Mestradu iha Lisboa no Doutoradu iha Évora. Hanesan mós Membru movimentu estudante kontra okupasaun, ativista organizasaun oioin. Iha tinan 10 ikus maktoban, fó atensaun liu ba mundu investigasaun, hakerek livru, fo aulas no publikasoens. #MediaIDN
|
|
