Díli- Funsionáriu ho Kargu Xefia sira husi Institutu Defeza Nasionál (IDN) , Partisipante Terseiru kursu Estadu Maior Conjunto Integradu ho mós Partisipante primeiru Kursu Kapitaun portu. Ba semana dahuluk iha loron 3 fulan Fevereiro Tinan 2025, partisipa iha serimónia Hasa’e Bandeira Nasionál ne’ebe realiza iha resintu Palásiu Governu Díli.
Serimónia hasa’e Bandeira Nasionál ba semana dahuluk, iha fulan ba daruak mós, hetan Inspetór Serimónia husi Vice Primeiru Ministru , Ministru Koordenador Assuntu Sosial, Ministru Dezenvolvimentu Rurál no Habitasaun Komunitária Sua Exelénsia Mariano Assanami Sabino, hodi mensajen Estadu importante ba partisipantes sira.
Nia hateten Fatin ida agora ita hamrik ba ne’e, uluk ita nia Heroi Nasional sira hamrik ba hodi proklama Timor Leste nia independensia ba mundu, no ohin ita hotu hamrik iha ne’e hodi hasa’e bandeira nasionál hodi fó kontinuidade ho ondra ba sira nia luta no sakrifika hodi nakfilak timor leste, ba Nasaun soberania iha mundu nia matan.
Ho ne’e, husu ba servidór estadu sira, mai ita halo komprimisiu ondra ida di’ak, hodi kaer ba lealidade hanesan servidór ba estadu, no hodi kontribui ba dezenvolvimentu Nasaun Repúblika Demokratika Timor Leste (RDTL).
Tanba ne’e, hanesan servidór estadu, presiza halakon no muda mentalidade sira ne’ebé hare ba grupu, no kor sira. maske ne’e, konsikuensia ita Nasaun demokrasia, maibe hanesan timor oan, mai ita fó lima ba malu hamutuk, hatudu nafatin ita nia pensamentu hanesan ema servidor estadu, hodi lori Nasaun Timor leste ba futuru ida ne’ebé diak, no mós ba povu doben Timor Leste. #MediaIDN
|
|
