Díli- Instituto Defeza Nasional ba loron 30 fulan Janeiru tinan 2025, finaliza ona ezame monografia ba, Partisipantes Terseiru Kursu Estadu Maior Konjunto Integradu ho naran Kompletu Majór Januário dos Santos, iha auditorio IDN Palásiu Governo Díli.
Tema monografia ne’ebé hili husi Majór Januário dos Santos, kona ba “Papél Instituto Defeza Nasionál nian, ba formasaun rekursu umanu FALINTIL -Forsa Defeza -Timor-Leste no Polísia Nasionál Timor-Leste, nia dezafiu no perspetiva.”
Ne’ebé hetan Orientador husi Dr. Guilherme Soares, substitui Dr. Antonio Ase, no Ezaminador Dahuluk Coronel Antonio Sampaio, ne’ebé hetan Prezidente Juri husi Dr.Guilherme Soares, reprejenta Diretór Ensinu Formasaun IDN Dra. Ermegina Alves.
Liu husi tema ne’ebé partisipantes hili, ho fundamentu analiza ba efikásia papél Instituto Defeza Nasionál nian iha formasaun rekursu umanu Falintil-Forsa Defeza Timor-Leste no Polísia Nasional Timor-Leste.
Tanba Definisaun tema ida-ne’e, husi estudu sientifika ida, foka liu ba analiza papél Instituisaun Defeza Nasionál (IDN) iha formasaun rekursu umanu sira ba F-FDTL no PNTL, Dezenu no Perspetivu.
Ho Objetivu jerál , Estudu ne’e define ho indikasaun ida-ne’ebé hatudu razaun ba investigasaun estudu ne’e, buka atu avalia no analiza efikásia husi formasaun Terseiru Kursu Konjunto Integradu ne’ebé realiza husi Instituto Defeza Nasional. Iha konteúdu ida-ne’e, buka atu kompriende impaktu sira husi dezenvolvimentu kapasidade rekursu umanu F-FDTL no PNTL nian.
Bazeia relevante ho prestíjiu no efikásia rekursu umanu sira husi kritériu ba ofisial defeza no seguransa sira, ne’ebé iha kapasidade hodi dirije no envolve mudansa signifikante ba Instituisaun F-FDTL no PNTL.
Nune’e konkluzaun husi estudu ne’e, hatudu katak maske programa formasaun IDN nian rekoñese sira-nia importánsia, maibe sei iha dezafiu signifikativu sira ne’ebé sei hasoru. Análize ne’e, hatudu katak kualidade formasaun ne’e la hanesan, ho variasaun iha persepsaun formandu nian kona-ba ninia efikásia no relevante.
Enkuantu ba oras ne’e dadaun Institutu Defeza Nasionál, finaliza ona ezame monografia ba partisipantes Primeiru Kursu Estadu Maior Konjunto Integradu hamutuk na’in 12, no sei falta partisipantes na’in 3, ne’ebé sei realiza mós ezame monografia iha tempu tuir mai, bazeia ba orariu Diresaun Akademia IDN.
Aktividades akademia ne’e, Remata ho foto hamutuk. #MediaIDN
|
|
