Dìli- 29 Setembru 2025, alunu Kursu Estadu Maior Konjuntu Integradu ba dala 4, ne’ebè tuir hela formasaun iha Institutu Defeza Nasionàl, Segunda-feira ne’e, hala’o Teste avaliasaun koñesimentu ho grau preliminariu ba matèria Prosesu desizaun Militar ne’ebè hanorin husi dosente, atual Assessor Técnico do Projeto n.º 2, Majòr Infantaria “Cmd” Moio Pereira, durante semana ida iha IDN, hahù husi loron 23 fulan setembru to’o loron 29 fulan setembru tinan 2025.
Objetivu husi Teste avaliasaun koñesimentu grau preliminariu ba alunu kursu estadu Maior Konjuntu Integradu ba dala ha’at ne’e, atu fornese koñesimentu alunu CEMCI sira nian, iha Unidade Kursu Kurikular Prosesu Desizaun Militar (PDM).
Unidade kurikular Prosesu Desizaun Militar ne’e, hanesan prosesu planeamentu interativu ida-ne’ebé integra atividade Komandante, Komandu Militar, CP unidade subordinadu sira no parseiru sira seluk atu Komprende situasaun no misaun, Formula no kompara dalan asaun, Aprova dalan asaun ida-ne’ebé mak di’ak liu atu kumpre misaun, Prodús planu ka orden ba ezekusaun.
Matèria prosesu ba desizaun Militar ne’ebe alunu sira aprende durante semana ida ho nia tòpiku sira mak hanesan, Prosesu Desizaun Militar, Misaun simu, Analiza Misaun, formulasaun Modu Asaun, Kompara Modu Asaun sira no Aprovasaun ba Modu Asaun.
Entretantu alunu kursu estadu maior konjuntu integradu ba da-4 hamutuk nain 14 kompostu husi official F-FDTL nain 10 ho postu major no kapitaun tenente no mos husi oficiais PNTL nain 4 ho postu superintendente asistente no superitendente.
Remata ezame avaliasaun ba materia prosesu desizaun Militar, Instituto Defesa Nacional liu husi director Ensino formasaun Kapitaun Fragata Graduadu Nicolau Sousa Guterres tara tais ba Dosente Moio Perreira hanesan simbolu rekonesimentu ba dosente ne’e nia kunesimentu ne’ebe partilla ba alunos 4 Cemci durante semana ida. #MèdiaIDN
|
|
